Annalise Bosch
Suid-Afrikaanse aktrise en regisseur
Annalise Bosch is ’n Suid-Afrikaanse aktrise en regisseur. Sy is bekend vir haar rol in prente soos Ouma se slim kind (2007), Agter elke man (1990) en Liewe Hemel, Genis![1]
| Annalise Bosch | |
| Nasionaliteit | Suid-Afrikaans |
|---|---|
| Beroep(e) | Aktrise, regisseur |
| Rolprente | Ouma se slim kind (2007) Agter elke man (1990) Liewe Hemel, Genis! (1986) |
| Internet-rolprentdatabasis-profiel | |
Haar loopbaan begin in 1976 by die destydse Sukovs. Bosch regisseer vir Lizz Meiring in Bizzie Lizzie, Elke ander duim ’n dame en Lippetaal, en vir Amanda Strydom in Volstoom. In die debuutproduksie van Wikus du Toit se Sing! het sy teenoor Kosie Smit en Dawid Boverhoff gespeel. Sy het die hoofrol in Gustav Kuhn se fliek, Ouma se slim kind, vertolk.
Sy was met die akteur en skilder At Botha getroud. Hulle seun, Pieter Bosch-Botha, was ook 'n akteur, regisseur en vervaardiger.
Filmografie wysig
Rolprente wysig
- 1986: Liewe Hemel, Genis!, as Myta Botes
- 1990: Agter elke man, as sosiale werker
- 2007: Ouma se slim kind, as Ouma
Televisiereekse wysig
- 1983: Koöperasiestories, as Myta
- 1983: 1945, as Hester Fourie
- 1984: Die Dood Van Elmien Adler
- 2002: Ietermagô, Baby Blignaut
- 2006: Uncle Max, as Laggende Ouma
Verwysings wysig
- ↑ HAT Taal-en-feitegids, Pearson, Desember 2013, ISBN 978-1-77578-243-8