Lizz Meiring

Lizz Meiring (gebore 9 Desember 1961 in Pretoria) is 'n Afrikaanssprekende Suid-Afrikaanse aktrise, regisseur, teatervervaardiger, TV-aanbieder, seremoniemeester, spreker, kunsteaktivis, kreatiewe konsultant en skrywer. Benewens in Afrikaanse produksies, tree sy gereeld in Engelse produksies op en het ook al in Frans, Duits en Sotho gewerk. Haar bynaam is Bizzie Lizzie omdat sy soms aan tot ses of meer produksies tegelyk werk. Sy het al 19 toekennings ontvang vir haar werk as aktrise, skrywer, regisseur, vervaardiger en vir haar kulturele bydrae.

Lizz Meiring
Geboortenaam	Elizabeth Henriette Meiring
Alias	Lizz Meiring
Geboorte	9 Desember 1961 (1961-12-09) Pretoria, Suid-Afrika
Nasionaliteit	Suid-Afrika
Beroep(e)	Aktrise, skrywer, regisseur, TV-aanbieder, vervaardiger en nog meer
Webwerf	lizzmeiring.com
Toekennings	19
Internet-rolprentdatabasis-profiel

Herkoms en kinderjare

Elizabeth Henriette Meiring is in Pretoria gebore. Haar pa, prof. Lewis Meiring ((† 2011), was 'n chemiese patoloog en diagnostikus, asook deeltydse professor hierin aan die Universiteit van Pretoria. Haar ma, Villi'ere Meiring (née Esterhuisen) was onderwyseres in kunsgeskiedenis in Engels. Elizabeth, later professioneel bekend as Lizz, is die enigste dogter. Sy het 'n ouer broer, Karl Rocco Meiring, wat in die geesteswetenskaplike rigting werk, en 'n jonger broer, Rocco de Villiers Meiring, 'n biokinetikus.

Sy speel vanaf sesjarige ouderdom in produksies by die Laerskool Pretoria-Oos. Sy speel in 1974 as negejarige kind in die Universiteit van Pretoria se dramadepartement se produksie "Langenhovenjaar" en in die toneelstuk "Vrou van Suid-Afrika".

Opleiding

Meiring het reeds vanaf haar eerstejaar as dramastudent in professionele teater- en televisieproduksies gewerk. Sy voltooi haar B.A. Drama (Honneurs) in 1983 aan die Universiteit van Pretoria. Sy doen oorklankings en radiowerk by die SAUK, sowel as aanbiedingswerk vir die Truk-balletgeselskap, en speel as dramastudent in TV-produksies by die SAUK en verhoogproduksies by Truk.

Loopbaan

Sedert haar universiteitsjare het sy in meer as 342 verhoogproduksies, in 282 TV-produksies en rolprente opgetree en reeds vier reekse op verskeie TV-kanale aangebied. Sy het vier rolprentdraaiboeke geskryf.

As skrywer, regisseur en teatervervaardiger het Meiring 207 produksies geskep. Sy was ook een van die stigterslede en later voorsitter van die Independent Performance Trust, 'n onafhanklike kunsorganisasie bestaande uit 12 lede wat sowat 15 nuwe teaterproduksies geskep het.

Meiring het saam met die satirikus Pieter-Dirk Uys in die buiteland opgetree, en as akteur in TV-produksies in die Verenigde Koninkryk ("Message to Major" Thames Television).

Meiring het verskeie boeke vertaal of verwerk as verhoogproduksies of draaiboeke. Sy het in musiekvideo's vir Dozi, Snotkop en Rocco de Villiers gespeel en opnames vir CD's gemaak saam met Bill Flynn ("Dis 'n stryd"), Snotkop ("Snotkop" debuutalbum), Thys die Bosveldklong ("Looks is nie alles nie") en vir die rolprent Pretville. Vroeër was daar sangopnames vir langspeelplate gemaak vir die TV-reekse "Mof en Mat" en "Doffel, Babbel en Bekkie".

As kunsjoernalis skryf sy sedert 1999 meer as 500 profiel onderhoude met kunsmense vir 12 verskillende publikasies, onder meer Insig (tydskrif), De Kat, Rapport-Tydskrif, Sarie, Rooi Rose en "Kakkerlak" (letterkundetydskrif). As rubriekskrywer skryf sy 10 jaar lank 'n rubriek onder die naam "Bizzie Lizzie" vir Rooi Rose en vyf jaar lank die rubriek "Lizz se dinge" vir RSG.

Meiring is betrokke by die uitbou en bevordering van die visuele kunste en open dikwels kunstuitstallings van opkomende, sowel as bekende, gerekende Suid-Afrikaanse kunstenaars. Sy is dikwels die seremoniemeester by van die land se grootste kunskompetisies se prysuitdelings. Meiring is op 'n welwillendheidsbasis aktief betrokke by die loopbaanontwikkeling van jong akteurs, skrywers, vervaardigers en regisseurs. Sy is ook 'n bestuurslid van die Teaterbystandfonds, die uitvoerende kunste in Suid-Afrika se enigste hulpfonds.

Sy was die eerste Afrikaanssprekende gasredakteur van die tydskrif Kulula Mag, en die enigste Afrikaanssprekende wat gekies is om individueel die "DStv EXPLORA" loodsadvertensie te doen.

Haar onderhoud op RSG Geldsake met Ryk van Niekerk, is op die RSG 2020 Potgooi as die gewildste potgooi van 2020 aangewys.

Privaatlewe

Meiring is uit vrye wil ongetroud en kinderloos. Sy het in 2015 aan die vrouetydskruif Sarie gesê: "Ek het om een of ander rede mans aangetrek wat die tradisionele ding wou hê. Trou, kinders. Terwyl my selfwaarde, raison d’être, aan my werk gekoppel is. Dis ’n minnaar teen wie geen man kan baklei nie. Ek vlieg tot 200 keer per jaar, soms vier vlugte op ’n dag. Watter man gaan dit aanvaar? Dit was ’n bewuste besluit. Baie vroue besef nie jy het ’n keuse nie."

Oeuvre

Meiring se oeuvre sluit in:

Teaterproduksies

Meiring het al in 346 teaterproduksies opgetree, onder meer:

• Macbeth - drama, as Lady Macbeth ( TRUK) 1985
• Genis! Genis! - drama (Harlekyn produksies) 1985
• The Monkey Walk – komedie (Colin Law Productions) 1985
• Die Proponentjie – klug (TRUK) 1987
• Die Graswewenaar – komedie (TRUK)
• Kopstukke – donker komedie/ drama seisoen 1, 2, 3, 4, 5. 1992–2012
• If only we had arsenic/ Mens huil nie oor alles nie – solostuk – komedie seisoen 1-10- 1992–1995
• As die Kat weg is – klug – seisoen 1&2
• Die drie wense – kinderteater (TRUK)
• Daisy- die Gifblom – drama 1992 (DALRO POTPOURRI FEES)
• Boom! - solostuk – tragikomedie, seisoen – 1, 2, 3
• An audience with an African Queen – politieke satire seisoen 1, 2, 3
• An audience with Evita Bezuidenhout – politieke satire seisoen 1- 10
• Die Keiser – as die Keiserin – drama
• Die Skandaal 1 &2 – komedie/ klug
• Die Van Aardes van Grootoor – komedie seisoen 1,2
• Le Dindon/ Kalkoen se kind – komedie/ klug
• Sneeuwitjie – die pantomime
• Annerkant Blinkkant – solostuk, drama
• Vettie-Vettie – komedie
• El Grande de Coca Cola – komedie
• Doller as Kop af – komedie
• Every other inch a lady / Elke ander duim 'n dame - solostuk, komedie/ satire
• Lippetaal - solostuk, drama
• Desnieteenstaande - komedie/ klug
• Dubbel en Dwars - komedie/ klug
• Bizzie Lizzie – solostuk, tragikomedie
• Lippetaal - solostuk, drama - seisoen 1, 2, 3, 4, 5, 6
• The Good Body -drama
• Paulus -drama
• Sing!- komedie/ satire seisoen 1-5
• Knypie oppie Kant -komedie
• Die Vrou in die Maan -solostuk, drama
• Die Dinges is 'n Watsem -komedie
• Maak plek, Mevrou Markham -komedie
• Mackbeki -drama -2009
• Lizziepacket – solostuk, tragikomedie
• Lounge Lizzie -solostuk, tragikomedie
• Verskrikkelik Snaaks -komedie seisoen 1, 2, 3, 4, 5
• Grooot Grap -komedie seisoen 1, 2 , 3, 4
• Speel -drama- 2013
• Ping! -kabaret- seisoene 1-6 2012–2014
• Doringrosie – die pantomime -
• Mona Lisa solostuk, drama-2013
• Ben, Bapsie en familie- komedie -2013
• Ben, Bapsie en familie maak moles -komedie 2014
• Cheaper than Roses -solostuk, drama seisoen 1,2,3,4 – 2014
• Twee vir die Prys van Een -komedie seisoen 1, 2, 3, 4 – 2015
• Geheime Taal - solotuk - drama - 2017
• Met Ander Woorde - solotuk - tragikomedie - 2018, 2019
• Die Sjokolade Show -tragikomedie 2019
• Glamour Sonder Fuss - geselskonsert -2019
• Drie Susters - tragikomedie - 2018, 2019
• Lizz 35 - solostuk - tragikomedie 2019
• Die Weduwee se Sjampanje - 2020
• Kameras, konserte en kleedkamers - solostuk - tragikomedie 2020

Televisieproduksies

Meiring het al in 286 televisieproduksies opgetree, onder meer:

• Huis Lelieveld - KYKNET 2019, 2020
• Ouboet en Wors KYKNET - 2017, 2018
• Spoorloos - KYKNET - 2018
• Munisipaliteit van Gwarra Gwarra, kykNET, 2014, 2015
• Kyknet vir Tannie (kykNET) 2015
• Molly en Wors, kykNET, 2009, 2011, 2012, 2013
• Hester en Ester Bester, kykNET 2007, 2009
• End Game (SABC) 2013
• Pandjieswinkel Stories (kykNET) 2013
• Takelani Sesame (SABC) 2007
• Hart van Staal (kykNET)2004, 2005
• Jozi Streets 1&2 (E-TV) 2003, 2004
• Song vir Katryn (kykNET) 2002
• Ietermago (kykNET) 2002
• Jackpot (SAUK)
• Vetkoekpaleis (SAUK)
• Daisy (SAUK)
• Sleurstoom (SAUK)
• Triptiek 1 & 2 (SAUK)
• Manakwallaners 1& 2 (SAUK)
• Sleurstroom (SAUK)
• Ga bo se Gangwe (SABC 3)
• Whirlpool (SABC)
• Life begins at 40 (SABC)
• Message to Major (Thames Television)
• Evita's Christmas Special (MNET)
• Evita's Indaba 1&2 (MNET)
• Ballade vir 'n Enkeling (SAUK)
• Going Up ! (SABC)
• Kampus 1 & 2 (SAUK)
• Die Swart Kat (SAUK)
• Veebee (SAUK)
• Rosie (SAUK)
• Kwai Klub (SAUK)
• Agter Elke Man (SAUK)
• Rompelstompelstories (SAUK)
• Mof en Mat (SAUK)
• Doffel, Babbel en Bekkie (SAUK)
• Die Dansende Donkie (SAUK)
• Oom Kerneels vertel (SAUK)
• A new Concept in Packaging (SABC) 1984
• Settlers (SAUK) -1980
• Bensusan Museum of Photography (SAUK) (aanbieder)
• A word or two - seisoene 4 tot 10 (SAUK) (aanbieder)
• Lizzie se lipstick flieks -seisoene 1-4 (MNET) (aanbieder)
• Life's bizarre – seisoene 1&2 (SAUK) (aanbieder) 2000, 2001
• Ons soek die Sanger (kykNET) (aanbieder) 2012
• Take a Biscuit (SABC) aanbieder
• Van die Borstrok bevry (SAUK)
• Generations (SABC) 2004
• Villa Rosa (kykNET) (ook tekskrywer, mederegie vir Kersfeesepisode) 2006
• Font – (SABC) 2007
• Wielie Walie (SAUK)

Rolprente

Lizz het al in 28 rolprente opgetree:

• Skating on Thin Uys, 1984
• Mêsh 1987
• You Must Be Joking! Too, 1987
• Sweet 'n Short, 1991
• No Hero, 1992
• Lipstiek Dipstiek, 1994
• Soweto Green, 1995
• Inside Out, 2000
• A Case of Murder, 2004
• Skilpoppe, 2005 (ook teksskrywer)
• Poena is Koning (rolprent), 2007
• Vaatjie sien sy gat, 2008
• Triomf, 2008
• Stoute Boudjies, 2010
• Pretville, 2012 as Lollie le Roux
• Molly en Wors – die movie, 2013 as Molly Visagie
• Harold (internasionaal bekroonde kortfilm) 2013
• Lagmense (werkstitel) (ook teksskrywer) verfilm 2014
• Trouvoete -2015 (ook teksredigeerder, mentorskrywer)
• Hoener met die Rooi Skoene - Koos Roets - hoofrol 2017
• I am all Girls - (internationale rolprent) drama - 2018

Boeke

• Breek (eerste roman, medeskrywer Barrie Hough, jeugroman), 2002. Tafelberg Uitgewers
• Lizz se Speelgoed (drama en speeltekste – 6 boeke in die reeks), 2008. Sewe kleure Boeke
• Die beste van Bizzie Lizzie, 2010. Quellerie
• Amfiteater (bydraer – essay), 2009. Protea Boekhuis
• Ware Suid-Afrikaanse liefdesverhale (bydraer), 2008. Human & Rousseau
• True South African Love stories (bydraer), vertaalde weergawe, 2008. Human & Rousseau
• Blou Maandag (kortverhaal – bydraer), 2011. Tafelberg Uitgewers.
• In die Kollig – samesteller & redigeerden (bundel met dramatekste), 2013. LAPA
• Soete Sonde - samensteller & redigeerder (bundel met kortluns) 2019 LAPA

Skryf, regie en vervaardiging

Lizz het al 214 skryf, regie en vervaardiging projekte gedoen:

• Doringrosie/ Sleeping Beauty – pantomime (TRUK) (mederegisseur , teksvertaler, liriekskrywer) 1995
• Rooikappie – Pantomime (TRUK) (Mederegisseur en medeskrywer, liriekskrywer) 1996
• Griet Skryf 'n sprokie – drama – seisoen 1-3 (TRUK) (Mederegisseur) 1997
• Die Skandaal 1 – klug -seisoen 1-7 (medeskrywer, medevervaardiger van IPT)
• Die Skandaal 2 – klug – seisoen 1-7 (medeskrywer, medevervaardiger van IPT)
• Brolloks en Bittergal – pantomime (KKNK Opdragwerk) (Mederegisseur en medeskrywer, liriekskrywer, medevervaardiger) 1998
• The Little Prince/ Die Klein Prinsie – Bunraku marionetproduksie (TLMCT & Staatsteater, Franse Departement van kuns en kultuur) (Regisseur, teksskrywer) 1998
• Die Spook van Donkergat – pantomime seisoen 1-6 (KKNK Opdragwerk) (Mederegisseur, medeskrywer, liriekskrywer, medevervaardiger) 1999
• Rumpelstilskin/ Repelsteeltjie -konvensionele marionette produksie (TLMC & Staatsteater) (Regisseur en teksskrywer) 1999
• Vlerkdans – jeugddrama seisoen 1-6 (TRUK – opdragwerk) (Regisseur en teksskrywer, medevervaardiger) 1999
• The Rain Goddess – stokmarionetproduksie (TLMC & Deense Departement van kuns en kultuur – Opdragwerk) (Regisseur en teksskrywer) 2000
• Skilpoppe – jeugdrama (Staatsteater opdragwerk) (Regisseur en teksskrywer, medevervaardiger) 2000
• Generasie Gaap nie – kabaret/ musiekspel (Gigs Galaxy – Opdragwerk) (Samesteller, teksskrywer en regisseur) 2000
• All this I know -the music of Brel and Piaf – musiekproduksie (CLA-opdragwerk) (Regisseur, samesteller, teksskrywer) 2000
• Good love – musiekproduksie (The Sixth Sense – Opdragwerk) (Regisseur, samesteller, teksskrywer) 2001
• Breek – jeugdrama (KKNK & Aardklop Opdragwerk) (Regisseur, teksskrywer, medevervaardiger) 2001
• Real and Unplugged – kabaret (RAU ARTS – Opdragwerk) (Regisseur, teksskrywer) 2001
• The Prophet – drama (Flying Pigs Company – Opdragwerk) (Regisseur) 2001
• Sing – komedie -(KKNK) (Regisseur, vervaardiger) 2000, 2001
• A Bedful of foreigners – komedie (UJ Arts – Opdragwerk) (Regisseur, teksverwerker) 2002
• Loskruit -musiekproduksie vir Saranthi Rheeders (regisseur, samesteller, teksredigeerder) 2002
• The Laramie project – drama (UJ Arts -Opdragwerk) (Regisseur, teksverwerker) 2003
• Jacques Brel is alive and well and living in Paris – musiekproduksie (UJ Opdragwerk) (regisseur, teksverwerker) 2003
• Emotions/ Emosies -musiekproduksie vir Operaster Rouel Beukes (Opdragwerk) (Regisseur, samesteller, teksskrywer) 2003
• Lippetaal – solostuk, drama (Opdragwerk vir Insig tydskrif en Kalfiefees) (Teks, vervaardiging) 2003
• Glamour sonder fuss – leefstyl, saam met Couturier Thomas Thomson (Opdragwerk vir Nasionale Vrouedag) (Teks, regie, vervaardiger) 2003
• Windmaker – drama (Regisseur, teksskrywer, vervaardiger) 2004
• Skilpoppe – (rolprent, drama) (Opdragwerk MNET & Penguin Films) (Skrywer) 2005
• Hartedief – kabaret (Opdragwerk KKNK) (Regisseur, teksverwerker, vervaardiger) 2004
• Die Grafsteensangers – Opgevryf – musiekproduksie (Opdragwerk) (Regisseur, teksskrywer, samesteller) 2005
• 4werke – musiekproduksie (Opdragwerk – Jacques Reinecke produksies) 2005
• Karla en die kersknol – pantomime (Opdragwerk)
• Die Grapmakers - 'n Absurde Komedie - (Regisseur, skrywer, produksiebestuurder)
• Die Weduwee se Sjampanje - 'n Tragi-komedie (Regisseur, skrywer, vervaardiger)
• Met Ander Woorde - 'n Tragi-komedie (Regisseur, skrywer, vervaardiger)
• Kameras, Konserte en kleedkamers (Regisseur, skrywer, vervaardiger)
• Lizz 35 - (Regisseur , Skrywer, vervaardiger)
• Langpad en Lipstieks (Skrywer, regisseur, vervaardiger)
• Die Atleet (Skrywer, regisseur, produksiebestuurder)

Bronne

• (en) Besonderhede op IMDB. URL besoek 22 Desember 2015.
• (af) Besonderhede op NB-uitgewers se webtuiste Geargiveer 8 September 2015 op Wayback Machine. URL besoek op 22 Desember 2015.

Eksterne skakels

• (af) Besonderhede op die webtuiste ArtistWarehouse.co.za.
• (af) Lizz Meiring met Cheaper Than Roses by Aardklop.