Jane Elizabeth Waterston
Dr. Jane Elizabeth Waterston (1843 – 7 Desember 1932) was die eerste vrouedokter in Suid-Afrika. Sy is in Inverness, Skotland gebore. Sy kom in 1867 in die Kaap aan en werk as onderwyseres by Lovedale. Ses jaar later keer sy terug na Brittanje om haar as verpleegster te bekwaam en toe as dokter. Dit was egter nie vir haar moontlik om haar graad daar te verwerf nie en sy doen dit toe in Brussel. Sy keer in 1883 terug na die Kaap en was die eerste vrouedokter in die land. Daar het sy 'n groot praktyk opgebou. Sy het ook baie gedoen om die lyding tydens die Tweede Vryheidsoorlog te verlig. Sy is in 1932 oorlede.
Jane Elizabeth Waterston | |
|---|---|
 | |
| Gebore | 1843 |
| Sterf | 7 Desember 1932 |
| Nasionaliteit | Verenigde Koninkryk |
| Beroep | Onderwyser, dokter |
| Bekend vir | Eerste vrouedokter in Suid-Afrika |
| Geloof | Christen |
Bron
wysig
Eksterne skakels
wysig
Wikimedia Commons het meer media in die kategorie Jane Elizabeth Waterston.
