Janet Yellen
Janet Louise Yellen (gebore 13 Augustus 1946) is 'n Amerikaanse ekonoom van Joodse afkoms en sedert 26 Januarie 2021 die 78ste Amerikaanse minister van finansies. Sy was van 2014 tot 2018 die 15de voorsitter van die Federale Reserweraad. Sy is 'n lid van die Demokratiese Party.
| Janet Yellen | |
 Yellen in 2015 | |
78ste Amerikaanse minister van finansies
| |
| Ampsbekleër | |
| Termynaanvang 26 Januarie 2021 | |
| Vise | Wally Adeyemo (genomineerde) |
|---|---|
| President | Joe Biden |
| Voorafgegaan deur | Steven Mnuchin |
15de voorsitter van die Federale Reserweraad
| |
| Ampstermyn 3 Februarie 2014 – 3 Februarie 2018 | |
| Vise | Stanley Fischer |
| President | Donald Trump Barack Obama |
| Voorafgegaan deur | Ben Bernanke |
| Opgevolg deur | Jerome Powell |
Persoonlike besonderhede
| |
| Gebore | Janet Louise Yellen 13 Augustus 1946 Brooklyn, New York |
| Nasionaliteit | Amerikaner |
| Politieke party | Demokrate |
| Eggenoot/-note | George Akerlof (t. 1978) |
| Kind(ers) | 1 |
| Alma mater | Yale-universiteit (MA, PhD) Brown-universiteit (AB) |
| Handtekening | 
|
Yellen was 'n lid van die Federale Reserweraad Raad van Goewerneurs tussen 1994 tot 1997 en weer van 2010 tot 2018. Tussen 1997 en 1999 het sy as voorsitter van die Raad van Ekonomiese Adviseurs onder president Bill Clinton gedien. Sy was van 2004 tot 2010 die president van die Federale Reserwebank van San Francisco. Vanaf 2010 tot 2014 het sy as ondervoorsitter van die Federale Reserweraad gedien.
In 2014 het president Barack Obama vir Yellen genomineer om Ben Bernanke as voorsitter van die Federale Reserweraad op te volg. Sy het net een termyn gedien en is in 2018 nie weer deur president Donald Trump aangewys nie.
Op 30 November 2020 het president Joe Biden aangekondig dat hy vir Yellen sal benoem om as minister van finansies in sy kabinet te dien.[1][2] Die Finansiële Komitee van die Senaat het Yellen se bevestiging op 22 Januarie 2021 eenparig goedgekeur.[3] Die Amerikaanse Senaat het haar benoeming met 'n stem van 84–15[4] (met een Senator wat nie stem nie) op 25 Januarie 2021 goedgekeur.[5][6] Sy is toe die volgende deur visepresident Kamala Harris ingehuldig.[7] Yellen is die eerste vrou in Amerikaanse geskidenis om as minister van finansies te dien en die eerste persoon wat die drie magtigste ekonomiese liggame in die federale regering van die Verenigde State gelei het: die Departement van Tesourie, die Federale Reserweraad en die Withuisraad van Ekonomiese Adviseurs.[8][6]
Verwysings
wysig- ↑ Homan, Timothy R. (30 November 2020). "Biden names Janet Yellen as his Treasury nominee". The Hill (in Engels). Besoek op 14 Desember 2020.
- ↑ "Janet Yellen, Secretary of the Treasury". President-Elect Joe Biden (in Engels (VSA)). Besoek op 24 Desember 2020.
- ↑ Guida, Victoria (22 Januarie 2021). "Yellen clears Senate committee, heads for final vote to be Treasury secretary". Politico. Geargiveer vanaf die oorspronklike op 25 Januarie 2021. Besoek op 22 Januarie 2021.
- ↑ "Question: On the Nomination (Confirmation: Janet Louise Yellen, of California, to be Secretary of the Treasury )". Roll Call Vote 117th Congress - 1st Session. 25 Januarie 2021. Geargiveer vanaf die oorspronklike op 26 Januarie 2021.
- ↑ "What They Are Saying: Secretary of the Treasury Janet Yellen Confirmed in a Historic, Bi-Partisan Senate Vote". Press Release. U.S. Department of the Treasury. 26 Januarie 2021.
- ↑ 6,0 6,1 Tappe, Anneken; Egan, Matt (25 Januarie 2021). "Janet Yellen is confirmed as the first female Treasury secretary in US history". CNN. Geargiveer vanaf die oorspronklike op 26 Januarie 2021. Besoek op 25 Januarie 2021.
- ↑ Rappeport, Alan (26 Januarie 2021). "Harris swears in Yellen as Treasury secretary, a first for women in both roles". The New York Times (in Engels (VSA)). ISSN 0362-4331. Besoek op 26 Januarie 2021.
- ↑ "Janet L. Yellen Sworn In As 78th Secretary of the United States Department of the Treasury". Press Release. U.S. Department of the Treasury. 26 Januarie 2021.
Eksterne skakels
wysig- (en) Biografie op die Verenigde State se Departement van Tesourie
- (en) Biografie op die Federale Reserweraad
- (en) Withuis biografie (geargiveer)
- (en) Janet L. Yellen op die Brookings Institution
- (en) Janet L. Yellen op die Haas School of Business
| Hierdie artikel is in sy geheel of gedeeltelik vanuit die Engelse Wikipedia vertaal. |
