Jared Taylor
Samuel Jared Taylor (gebore 15 September 1951) is 'n Amerikaanse wit heerssugtige (Engels: white supremacist) en redakteur van American Renaissance, 'n wit heerssugtige aanlyntydskrif wat hy in 1990 gestig het. Taylor is ook 'n outeur en is die president van American Renaissance se moedermaatskappy, New Century Foundation, waardeur verskeie van sy boeke gepubliseer is. Hy is 'n voormalige lid van die adviserende raad van The Occidental Quarterly en 'n voormalige direkteur van die National Policy Institute, 'n wit nasionalistiese dinkskrum in Virginia. Hy is ook 'n raadslid en woordvoerder van die Raad van Konserwatiewe Burgers.
Jared Taylor | |
|---|---|
 Jared Taylor in 2008 | |
| Gebore | Samuel Jared Taylor 15 September 1951 |
| Alma mater | Yale-universiteit (B.A.) Paryse Instelling vir Politieke Studies (M.A.) |
| Beroep | Redakteur van American Renaissance |
| Eggenoot | Evelyn Rich |
| Kinders | 2 dogters |
| Webwerf | American Renaissance |
Taylor word, nes vele van die organisasies waarmee hy geassosieer word, deur onder andere burgerregte-organisasies, nuusmedia, en akademici wat rassisme in die VSA bestudeer, daarvan beskuldig dat hy rassistiese ideologieë bemark.
Vroeë lewe en opvoeding wysig
Taylor is op 15 September 1951 in Kobe, Japan as seun van sy Christelike sendeling-ouers gebore. Hy het tot en met die ouderdom van 16 in Japan gewoon en het tot op die ouderdom van 12 Japannese skole bygewoon en is sodoende vlot in Japannees.[1]
In 1973 verwerf hy 'n BA-graad in filosofie aan die Yale-universiteit.[2] In 1978 verwerf hy 'n MA-graad in internasionale ekonomie aan die Paryse Instituut vir Politieke Studies.