Virginia
Virginia is 'n goudmyndorp in die Vrystaat, in Suid-Afrika.[2] Die dorp lê 140 km noordoos van Bloemfontein en 20 km suid van Welkom en is deel van die Vrystaatse Goudveld. In 2011 het die dorp en die township Meloding saam 'n bevolking van 66 208 gehad.[1]
Virginia | |
|---|---|
  Virginia Virginia se ligging in Vrystaat | |
| Koördinate: 28°6′23″S 26°51′44″O / 28.10639°S 26.86222°O | |
| Land |  Suid-Afrika |
| Provinsie | Vrystaat |
| Distrik | Lejweleputswa |
| Munisipaliteit | Matjhabeng |
| Stigting | 1954 |
| Oppervlak | |
| • Totaal | 74,11 km2 (28,61 vk. myl) |
| Hoogte | 1 316 m (4 318 ft) |
| Bevolking (2011)[1] | |
| • Totaal | 21 846 |
| • Digtheid | 295/km2 (760/vk. myl) |
| Rasverdeling (2011) | |
| • Wit mense | 29.7% |
| • Indiërs/Asiërs | 0.8% |
| • Bruin mense | 1.6% |
| • Swart mense | 67.6% |
| • Ander | 0.2% |
| Taal (2011) | |
| • Sotho | 42.4% |
| • Afrikaans | 32.0% |
| • Xhosa | 10.4% |
| • Engels | 5.5% |
| • Ander | 9.7% |
| Poskode (strate) | 9430 |
| Poskode (posbusse) | 9430 |
| Skakelkode | 057 |
Geskiedenis
wysigDie dorp, aan die oewers van die Sandrivier, is in 1954 uitgelê. Die oorsprong van die naam van die dorp is interessant. Twee Amerikaanse ingenieurs wat die hoofspoorlyn opgemeet het, wat oor die plaas Merriespruit gaan, het die naam Virginia op 'n rots uitgekerf - moontlik uit verlange na hul tuisstaat Virginië in Amerika. Toe daar besluit is om 'n halte hier te maak is op die naam Virginia besluit wat op die rots uitgekerf was. 'n Voorstad in die dorp is na Merriespruit vernoem. Na die ontdekking van goud in die 1950's het die dorp ongelooflik gegroei.
Distrik
wysigDie distrik is 578 km2 groot en daar word gemengde boerdery toegepas: mielies, beeste en skape. Die grootste swaelsuur-aanleg in die suidelike halfrond is in die dorp met 'n vermoë van 350 ton per dag.[3] Die Virginiapark ontspanningsoord (nou Tikwe Lodge genoem) is op die suidelike oewer van die Sandrivier ontwikkel.
Merriespruitramp
wysigOp 22 Februarie 1994 het 'n wal van die slikdam by die Harmonygoudmyn meegegee en die voorstad Merriespruit is deur 'n golf dik slyk oorspoel. Sewentien mense is dood, 31 huise vernietig en 72 is ernstig beskadig.[4] 'n Gedenkmuur is opgerig in die plaaslike begraafplaas waar die meeste van die slagoffers begrawe is.
Sien ook
wysigVerwysings
wysig- ↑ 1,0 1,1 1,2 1,3 1,4 "Hoofplek Virginia". Sensus 2011.
- ↑ Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
- ↑ (en) "Virginia Website". Geargiveer vanaf die oorspronklike op 12 Januarie 2008. Besoek op 24 Oktober 2008.
- ↑ (en) Wagener, F (1997). "The Merriespruit slimes dam failure: Overview and lessons learnt". SAICE Journal. 39 (3): 11–15.