Maak hoofkeuseskerm oop

'n Skaap (Ovis aries) is 'n ewehoewige soogdier wat deur die mens makgemaak is om onder andere wol en vleis te lewer.

Skaap
'n Kudde skape.
Bewaringstatus
Gedomestikeerd
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Artiodactyla
Familie: Bovidae
Subfamilie: Caprinae
Genus: Ovis
Spesie: O. aries
Binomiale naam
Ovis aries
Linnaeus, 1758

Dit is 'n herkouer uit die familie Bovidae (herkouers met hol horings), nou verwant aan die bok. 'n Manlike dier word 'n ram genoem, die vroulike 'n ooi en 'n kleintjie 'n lam (mv. lammers).

By wolskape (bv. die Merino), word die wol eenkeer per jaar afgeskeer met 'n handskêr of 'n meganiese skêr. Daarna word die wol op 'n tafel gesorteer en geklas en in bale verskeep na die wêreld se wolmarkte.

Vleisskape en lammers (bv. dorper, dormer, Döhne-merino) word vir hul smaaklike vleis geproduseer; byna die hele geslagde dier is eetbaar en die vel het ook verskeie gebruike, bv. as kledingstukke en vloermatjies.

Inhoud

DieetWysig

Skape verreis nie so 'n vrugbare landstreek soos beete of perde nie. Hulle wei gewoonlik op kort gras of bossies en kan selfs onder woestyntoestande aangehou word. Daarom is die Karoo so 'n goeie skaapwêreld. Hoewel skape tot 6,5 liter water per dag nodig het, kan die dier die meeste hiervan uit dou en water in die plante verkry.

Sout speel 'n belangrike rol in die skaap se dieet en die dier kan maklik tot 14 gram daarvan per dag opvreet. Sout gee skape eetlus en is noodsaaklik vir sekere fisiologiese funksies in die liggaam.

VagWysig

Die liggaam van die skaap is bedek met miljoene fyn wolvesels wat as die vag bekend staan. Die funksie daarvan is om die dier teen koue te beskerm. In die somer kry 'n skaap met volle vag baie warm, en dit is dus vir die dier 'n groot verligting as die vag in die lente geskeer word. Die wol word dan baie nuttig deur die mens aangewend om die koue af te weer.

BouvormWysig

Soos alle herkouers loop die skaap op die punte van sy tone. Die gedeelte wat op die grond rus, is nie die voet, soos baie mense dink nie, maar slegs die punte van die tone.

Die tone waarop die skaap loop, twee aan elke poot, word beskerm deur 'n nael, wat die hoef genoem word Soos by die bok, bees, vark, kameel en kameelperd, is die hoewe besonder sterk.

Skaapbevolking wêreldwyd (in 2013)Wysig

 
'n Skaappens
nr. 1-14: Verskillende pensdele
nr. 15: Netmaag
nr. 16: Melkpens
nr. 17: Slukderm
nr. 18: Milt.
Land Aantal (miljoen)
  China 185.0
  Australië 75.5
  Indië 75.5
  Soedan 52.5
  Iran 50.2
  Nigerië 39.0
  Verenigde Koninkryk 32.9
  Nieu-Seeland 30.8
  Suid-Afrika 25.0
Wêreld 1 172.833

BronnelysWysig

Eksterne skakelsWysig