Jaroslawl

Jaroslawl
	Jaroslawl; Ярославль
	'n Straat in Jaroslawl
; Vlag	; Wapen
	Die ligging van Jaroslawl-oblast in Rusland
	; Jaroslawl Die ligging van die stad Jaroslawl in die oblast
	Koördinate: 57°38′0″N 39°53′0″O / 57.63333°N 39.88333°OKoördinate: 57°38′0″N 39°53′0″O / 57.63333°N 39.88333°O
Stigting	1010
Stadstatus	1010
	Regering
- Tipe	Stad-okroeg
- Burgemeester	Jewgeni Oerlasjof
	Oppervlak
- Stad	205,37 km² (79,3 vk m)
Hoogte	100 m (328 vt)
	Bevolking (2013)
- Stad	599 169
- Digtheid	2 880/km² (7 459,2/myl2)
Tydsone	MSK (UTC+04:00)
Poskode	1500xx
Skakelkode(s)	7 4852
	Webwerf: city-yar.ru

Vir ’n artikel oor die oblast met dieselfde naam, sien Jaroslawl-oblast.

Jaroslawl (Russies: Ярославль) is ’n stad in Rusland sowat 250 km noordoos van Moskou. Dit is die administratiewe hoofstad van Jaroslawl-oblast. Die historiese deel van die stad, ’n Unesco-wêrelderfenisgebied, is geleë by die samevloei van die Wolga- en die Kotorosl-rivier.

Die stad het ’n bevolking van 599 169 (2013-sensus).

Hoof-attraksiesWysig

Die Katedraal van die Verheerliking van die Verlosser in Jaroslawl (1506–1516).

Die Sint Johannes die Doper-kerk (17de eeu).

Die oudste gebou in die stad is die Spaso-Preobrazjenski-katedraal (Katedraal van die Verheerliking van die Verlosser) wat in 1506–1516 gebou is op die fondament van die oorspronklike kerk uit 1216–1224.

In die 16de eeu is ’n steenmuur om die klooster gebou. Dit is dié klooster van waar ’n vrywilligerleër onder Koezma Minin en prins Dmitri Pozjarski in 1612 vertrek het om Moskou te bevry tydens die Tyd van Beroeringe. In 1787 is die klooster gesluit en omskep in wonings vir biskoppe en is kloostergeboue herbou.

Nog ou kerke dateer uit die 17de eeu en is gebou in die sogenaamde "Jaroslawl-styl" (rooi stene, met helder teëls buite). Die kerke van Sint Nikolaas Nadein en Elia die Profeet het van die indrukwekkendste muurskilderings van die Goue Ring van Rusland.