Jayavarman VI
Jayavarman VI (Khmer: ជ័យវរ្ម័នទី៦) was van omstreeks 1080 tot 1107 koning van die Khmer-ryk.
| Jayavarman VI | |
|---|---|
| Koning van die Khmer-ryk | |
| Bewind | c. 1080-1107 |
| Voorganger | Harshavarman III |
| Opvolger | Dharanindravarman I |
| Dinastie | Khmer-ryk |
| Postume naam | Paramakaivalyapada |
Tydens die bewind van Udayadityavarman II en Harshavarman III was daar interne rebellies en ’n onsuksesvolle oorlog teen Champa.[1] Harshavarman het moontlik in Angkor regeer toe Jayavarman VI tydens ’n opstand die troon oorneem.[2]:376–377
Jayavarman was van die Phimai-gebied in die hedendaagse Thailand en dit lyk of hy ’n troonrower en die stigter van ’n nuwe dinastie, die Mahidharapura, was.[3] Dit was die naam van die tuiste van sy familie se voorouers. In inskripsies aan die begin van sy bewind het hy beweer hy is ’n afstammeling van die mitiese egpaar prins Sage Kambu Swayambhuva en sy vrou en suster, Mera,[4]:66[5]:46-60 in plaas van ’n werklike koninklike lyn.
Jayavarman VI was moontlik jare lank betrokke in ’n stryd teen die troue volgelinge van die laaste wettige koning, Harshavarman III, en sy erfgenaam, Nripatindravarman, wat dalk tot in 1113 in Angkor regeer het.[4]:153
Hy kry die eer vir die bou van die tempel Phimai. Hy is deur sy ouer broer, Dharanindravarman I, opgevolg en het die postume naam Paramakaivalyapada gekry.[4]:153
Verwysings
wysig- ↑ Higham, Charles (2003). The Civilization of Angkor. Phoenix. ISBN 1-84212-584-2.:91-107
- ↑ Higham, C., 2014, Early Mainland Southeast Asia, Bangkok: River Books Co., Ltd., ISBN 9786167339443
- ↑ Coedès, George (1929). "Nouvelles données chronologiques et généalogiques sur la dynastie de Mahidharapura" (PDF). BEFEO (in french) (29): 289–330. Besoek op 13 Augustus 2009.
{{cite journal}}: AS1-onderhoud: onerkende taal (link)[dooie skakel] - ↑ 4,0 4,1 4,2 Coedès, George (1968). Walter F. Vella (red.). The Indianized States of Southeast Asia. vert. Susan Brown Cowing. University of Hawaii Press. ISBN 978-0-8248-0368-1.
- ↑ Jacobsen, Trudy (2008). Lost Goddesses: The Denial of Female Power in Cambodian History. NIAS Press. ISBN 978-87-7694-001-0.
Eksterne skakels
wysig
Hierdie artikel is vertaal uit die Engelse Wikipedia
