Joan Morice
Joan Alison Morice (1904-1944) was die eerste vrou om as 'n veearts in Suid-Afrika te kwalifiseer en 'n veaartspraktyk te bedryf.[1][2] Sy het aan Onderstepoort Veeartsenykundige Instituut, Suid-Afrika in 1927 gekwalifiseer en dit was negentien jaar later dat die volgende vrou, Maud Bales, as veearts in Suid-Afrika gekwalifiseer het.[3] Morice het 'n privaat veeartsenykundige praktyk begin wat sy tot 1935 bedryf het. Sy het vroeg in 1944 aan kanker gesterf.
| Joan Alison Morice | |
| Gebore | 5 Oktober 1904 Barberton, Suid-Afrika |
|---|---|
| Oorlede | 24 November 1944 (op 40) Johannesburg |
| Vakgebied | Veearts |
| Instelling(s) | Allerton Laboratorium |
| Alma mater | Universiteit van die Witwatersrand Onderstepoort Veeartsenykundige Instituut |
| Bekend vir | Eerste vroulike veearts in Suid-Afrika |
Lewe en loopbaan wysig
Morice is in 1904 in Barberton, Suid-Afrika gebore aan Andrew Morice en Alice Mary Morice (née Roberts). Sy is na Engeland gestuur vir haar vroeë onderwys. In 1922 het sy na Suid-Afrika teruggekeer en in 'n veeartsenykundige kursus ingeskryf. Morice het die eerste twee jaar van die graad aan die Universiteit van die Witwatersrand en die laaste jaar aan die Onderstepoort Veterinêre Instituut van die Transvaalse Universiteitskollege voltooi.[4]
In 1927 het Morice haar graad verwerf[4] en by Onderstepoort en die Allerton Laboratorium gewerk as 'n tydelike veeartsenykundige beampte tot Desember 1928, waarna sy haar eie privaat praktyk in Johannesburg begin het.[1][5][2]
In 1930 het sy met Maurice Connell Robinson, wat in 1928 as veearts gekwalifiseer het, getrou en hulle het haar veeartspraktyk saam bestuur. Hulle het die praktyk in 1935 gesluit, maar Morice het haar aanstelling as veearts by die Johannesburgse Windhondwedrenklub en die Randse Jagklub behou.[6] Morice het ook liefdadigheidswerk gedoen vir die voorganger van die Dierebeskermingsvereniging en die Bantu Dierewelsynsvereniging terwyl haar man by die munisipale diens van Johannesburg aangesluit het.[1][5][2]
Verwysings wysig
- ↑ 1,0 1,1 1,2 1,3 Bigalke, R.D.. Article 4: Class of 1927 (Engels). VetHistory.co.za. URL besoek op 6 Mei 2019.
- ↑ 2,0 2,1 2,2 (en) PAST VETERINARIANS IN SOUTH AFRICA: Volume 2 (PDF) (10 uitg.). p. 142. Besoek op 6 Mei 2019.
- ↑ (en) "Sabinet | Letters to the editor". Journal of the South African Veterinary Association. 37 (2). Januarie 1966. Besoek op 6 Mei 2019.
- ↑ 4,0 4,1 Joan Morice (Engels). South African History Online (6 September 2011). URL besoek op 6 Mei 2019.
- ↑ 5,0 5,1 5,2 (en) Bigalke, R.D. (September 2005). "Veterinary education in South Africa: the class of 1927". Journal of the South African Veterinary Association. 76 (3): 124–126. Besoek op 6 Mei 2019.
- ↑ (en) Women Marching Into the 21st Century. HSRC publishers. 2000. p. 311. ISBN 9780796919663. Besoek op 6 Mei 2019.