Johannes van Staden
| Johannes van Staden botanikus | |
| |
| Professor Van Staden in 2019 | |
| Volledige naam | |
|---|---|
| Gebore | 12 Oktober 1939, Oudtshoorn |
| Oorlede | |
| Geboorteland | Suid-Afrika |
| Bekend van | |
| Standaardafkorting | |
|
Die aangeduide standaardafkorting kan gebruik word by die aanhaling van 'n botaniese naam gepubliseer deur Johannes van Staden. In die Index Kewensis is 'n lys te vinde van deur hierdie persoon (mede-)gepubliseerde name | |
Johannes van Staden (* 12 Oktober 1939 te Oudtshoorn) is 'n Suid-Afrikaanse botanikus.
In 1960 verwerf hy sy Baccalaureus scientiae aan die Universiteit Stellenbosch in plantkunde, dierkunde, bakteriologie, chemie en fisika. In 1964 behaal hy sy meestersgraad aan hierdie universiteit in plantkunde.[1] In 1970 verwerf hy sy doktorsgraad in plantkunde aan die Universiteit van Natal.[2]
Tussen 1963 en 1966 doseer Van Staden plantkunde aan die Universiteit van Wes-Kaapland. In 1965 beklee hy dieselfde pos aan die Universiteit Stellenbosch. Tussen 1967 en 1972 het hy hiérdie verantwoordelikheid aan die Universiteit van Natal. Tussen 1972 en 1975 was hy 'n assistent-professor en tussen 1976 en 1983 medeprofessor aan dieselfde universiteit. In 1979 en 1980 was hy navorsingsassistent aan die Hebreeuse Universiteit van Jerusalem. Tussen 1984 en 1986 was hy ad hominem-professor aan die Universiteit van Natal, en tussen 1987 en 1998 hoogleraar en hoof van die departement plantkunde aan hierdie universiteit. Tussen 1999 en 2003 was hy professor in plantkunde en 'n direkteur van die navorsingsentrum vir plantegroei en -ontwikkeling in Pietermaritzburg. Sedert 2004 is hy uitsluitlik 'n direkteur daar. Tussen 2003 en 2006 was hy gasnavorser aan die Universiteit van Kopenhagen.
Prof van Staden hou homself besig met navorsing op die gebied van plantfisiologie, insluitend fitohormone, weefselkultuur, sekondêre plantstowwe, die ontkieming van sade, wortelvorming, die ontwikkeling van blomme, die ontwikkeling van vrugte en die veroudering van plante. Daarnaas is hy besig met navorsing op die gebied van biotegnologie en molekulêre biologie met betrekking tot bosbou, tuinbou en die veredeling, beskerming en verbouing van plante wat natuurlik in Suid-Afrika voorkom. Hy doen ook navorsing oor die isolasie en identifikasie van sekondêre plantstowwe met 'n moontlike medisinale effek, veral op plante uit Suid-Afrika. Hy is ook bedrywig op die gebied van etnobotanie.
Volgens 'ISIHighlyCited.com' is Van Staden een van die mees aangehaalde wetenskaplikes op die gebied van plant- en dierewetenskappe.
Toekennings wysig
- (1990) Verkies as mede-genoot van die Royal Society of South Africa[1]
- (1992) Havengaprys[1]
- (1994) Goue Medalje van die South African Association of Botanists (SAAB).[1]
- (2000) Eredoktorsgraad van die Universiteit van Wes-Hongarye.[1]
- (2004) Verkies tot erelid van die Hongaarse Akademie vir Wetenskappe.[1]
- Senior Captain Scott Medal vir uitstekende navorsing in Biologiese Wetenskappe[1]
- Goue Medalje vir tegnologiese innovasie van die Suid-Afrikaanse Akademie vir Wetenskap en Kuns.[1]