Jorund
Jorund of Jörundr (5de eeu) was in die Noorse mitologie 'n legendariese koning van Swede se Huis van Yngling. Hy was die seun van Yngvi en het die troon van Swede teruggeneem van Haki.
Snorri Sturluson vertel dat toe Jorund jonk was, hy saam met sy broer Erik oor die see gevaar en ander lande geplunder het. Hulle was goeie vegters. Een somer het hulle Denemarke geplunder en koning Gudlög van Hålogaland ('n provinsie in Noorweë) vermoor.[1][2]
Toe die broers hoor van Haki wat die Sweedse troon geroof het en dat sy leërs elders plunder, het hulle 'n groot leër bymekaargemaak en na Swede opgeruk. Die twee broers het na Uppsala gegaan, waar hulle koning Haki met 'n baie kleiner leër ontmoet het. Haki was egter 'n gewelddadige vegter en het baie mans, onder andere Erik, doodgemaak. Jorund en sy manne het na hulle skepe gevlug, maar Haki is self dodelik gewond.
Jorund het koning geword. In Jutland, wat hy eenkeer geplunder het, het hy egter 'n geveg verloor en is hy gehang.[1][2] Hy is deur sy seun Aun opgevolg.
Verwysings
wysigSkakels
wysig
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Hugleik |
Legendariese Sweedse koning | Opvolger Aun → |