Yngvi (of Ingjald) en Alf was in die Noorse mitologie twee legendariese konings van Swede se Huis van Yngling wat saam regeer het. Volgens sommige bronne was hulle broers en volgens ander was hulle net naby familie. Hulle het mekaar vermoor.

Alf en Yngvi vermoor mekaar.

Geskiedenis wysig

Volgens Ynglingatal, Historia Norvegiæ en die Ynglinga saga was Yngvi en Alf die seuns van Alarik.

Volgens Snorri Sturluson was Yngvi 'n suksesvolle koning, 'n groot vegter wat al sy gevegte gewen het, 'n meester op baie gebiede, vrygewig, gelukkig en sosiaal. Hy was beide gelief en beroemd. Alf was onsosiaal en nors, en het tuis gebly in plaas daarvan om ander lande aan te val. Sy moeder was Dageid, die dogter van 'n koning. Alf was getroud met Bera, wat gelukkig, wakker en gelief was.

Eendag in die herfs het Yngvi na Uppsala teruggekeer ná 'n baie suksesvolle Wiking-ekspedisie wat hom beroemd gemaak het. Hy het tot laat snags gedrink, nes Bera, en hulle het daarvan gehou om te gesels. Alf het egter vroeg gaan slaap en het haar begin beveel om ook vroeg bed toe te gaan sodat sy hom nie wakker maak nie. Dan het Bera gesê Yngvi was veel beter vir 'n vrou, en dit het op Alf se senuwees begin werk.

Een aand het Alf vir Yngvi en Bera sien gesels. Hy het 'n swaard van onder sy mantel uitgehaal en Yngvi daarmee gekap. Die gewonde Yngvi het sy dolk uitgehaal en Alf doodgemaak voordat hy self gesterf het.[1][2] Hulle is deur Alf se seun Hugleik opgevolg.

Gesta Danorum wysig

In Gesta Danorum was Alf (Alverus) die vader van Yngve (Ing) en Ingjald (Ingild). Ingjald was op sy beurt die vader van Sigurd Ring en die oupa van Ragnar Lodbrok.

Verwysings wysig

Skakels wysig

Voorganger
Alarik en Erik
Legendariese Sweedse konings Opvolger
Hugleik