Josef-Ernst Fürst Fugger von Glött

Josef-Ernst Graf Fugger von Glött, sedert 1940: Fürst Fugger von Glött (26 Oktober 1895, Kirchheim in Schwaben - 13 Mei 1981, Miesbach) was 'n Duitse politikus en verteenwoordiger van die Christelike Sosiale Unie (CSU) van Beiere. Hy was tussen 1949 en 1953 'n lid van die Duitse Bundestag. Hy was van 1954 tot 1962 lid van die Landtag van Beiere. Hy is 'n lid van die beroemde Fugger-familie, die voorste bankiers van die Renaissance era.

Vroeë lewe

Joseph-Ernst Fugger von Glött is op 26 Oktober 1895 in die Kirchheim-kasteel Geargiveer 25 April 2012 op Wayback Machine naby Augsburg gebore. Hy was die derde kind en eerste seun van Carl Ernst Fürst Fugger von Glött en sy vrou Elisabeth (Gräfin von Quadt-Wykradt-Isny). As lid van die beroemde Fugger-familie is Fugger von Glött gebore in rykdom en mag. Sy vader het verdere roem en mag verwerf deur te dien as president van die hoërhuis van die Beierse Landtag.

Fugger von Glött ontvang die tipiese opvoeding vir 'n jong, aristokratiese man van sy tyd: hy voltooi sy Abitur aan die elite Gimnasium Stella Matutina ('n Jesuïeteskool), en dien tydens die Eerste Wêreldoorlog as 'n luitenant in 'n uiters gesogte Beierse kavallerieregiment, en voltooi sy "Studium (Hoër onderwyssertifikaat) na die oorlog aan die Universiteit van Hohenheim.

Sy eerste huwelik was met prinses Stephanie van Hohenzollern (1895-1975, die oudste dogter van prins Karl Anton van Hohenzollern en prinses Joséphine Caroline van België) tussen 1920 en 1943. In 1975 trou hy met Angela von Kienlin (gebore in 1935), wat 40 jaar jonger as hy was.

By die dood van sy vader in 1940 het Fugger von Glött die amptelike leierskap van die huishouding oorgeneem.

Era van die Nasionaal-Sosialistiese Duitse Arbeidersparty

Fugger von Glött is in 1939 as 'n offisier in die Wehrmacht aangestel, maar is vanweë die Prinzenerlass verhinder om te dien. Nadat hy uit militêre diens ontslaan is sluit Fugger von Glött aan by die Kreisau-sirkel.

Na die 20 Julie-sameswering misluk het, is Fugger von Glött op 3 September 1944 deur die Gestapo in sy kasteel in Kirchheim in hegtenis geneem vir sy rol in die sluipmoordpoging. In teenstelling met die meerderheid samesweerders, is Fugger von Glött gevonnis tot harde arbeid eerder as doodstraf. Hy is in April 1945 deur Amerikaanse troepe bevry.

Na-oorlogse tydperk

Na die oorlog keer Fugger von Glött terug na sy geboortestad om homself weer aan sy gesin en sakeryk toe te wy. Gedurende hierdie tyd was hy verantwoordelik vir die aktiwiteite van die vele instellings van die gesin, insluitend die heropbou en uitbreiding van die Fuggerei in Augsburg.

Fugger von Glött het homself vinnig in die politiek laat geld en die Christelike Sosiale Unie van Beiere (CSU) in 1945/1946 help stig. Hy dien vervolgens in die eerste Bundestag, en was president van die [http: //www.interparlamentitaire.de/ Interparlementêre Komitee] vanaf 1953 tot 1956. Hy was ook lid van die Landtag van Beiere van 1954 tot 1962. Hy het sy mede Kreisauer Kreis oorlewende, Rudolf Ruby, bygestaan deur sy kasteel aan te bied as 'n bymekaarkomplek vir Ruby se Deutsche Harmonia Mundi kunstenaars.

In 1965 ontvang hy die Orde van Verdienstelikheid van die Bondsrepubliek Duitsland.