Jurga Šeduikytė

Jurga
	Jurga in Augustus 2019 in Vilnius
Agtergrondinligting
Geboortenaam	Jurga Šeduikytė
Gebore	10 Februarie 1980 (44 jaar oud) ; Klaipėda, Litaue
Genres	Pop, art rock, elektroniese pop
Beroep(e)	Sangeres, liedjieskryfster
Instrumente	Stem
Jare aktief	2005 — hede
Etikette	M.P.3 (Litaue)
Webwerf	https://www.facebook.com/jurgaseduikyte/

Jurga Šeduikytė, beter bekend onder haar verhoognaam Jurga, is 'n Litause pop-sangeres en liedjieskryfster.

Biografie

Jurga het haar solo-loopbaan met haar debuutalbum Aukšo Pieva ("Goudveld") begin wat in September 2005 vrygestel is. Sy het die twaalf snitte, wat in Litaus en Engels gesing word, almal self geskryf. Haar eerste enkelsnit, Nebijok ("Moenie bang wees nie"), het weke lank plek 1 op die Litause trefferlys behaal en was die grootste Litause treffer van daardie jaar. Jurga het vervolgens talle Litause toekennings ontvang soos Beste debuut, Beste lied, Beste album, Beste kunstenares en Lied van die jaar.

Terwyl haar albums en enkelsnitte in Litaue en Letland as kompakskywe vrygestel is, word Jurga se musikale werke sedert die herfs van 2006 op ander markte digitaal versprei en kan by internasionale aanlynwinkels soos Amazon.com, iTunes Music Store, Napster, eMusic, Virgin Megastore en Sony Connect afgelaai word.

Jurga se tweede album, Instrukcija ("Instruksies"), is op 19 April 2007 vrygestel. Die 13 snitte is weer eens deur Jurga geskryf en het in Litaue en Nieu-Seeland ontstaan.

Haar Engelse lied 5th Season is op 23 Julie 2007 met die Grand Prix van die Baltic Song Festival in Karlshamn, Swede bekroon.^[1] Enkele maande later, op 1 November 2007, het Jurga die MTV European Music Award as "Beste Baltiese kunstenaar" gewen.^[2]

Diskografie

Albums

Aukšo Pieva (2005)
Instrukcija (2007)
+37° (Goal of Science) (2009)
Metronomes (2011)
Breaking the Line (2013)
Giliai Vandeny (2015)
Not Perfect (2017)

Verwysings

↑ Music Export Lithuania: Jurga Wins the Baltic Song Contest in Karlshamn^{[dooie skakel]}
↑ Music Export Lithuania: Jurga Wins MTV European Music Award^{[dooie skakel]}

Eksterne skakels

Lithuanian Culture Institute (LCI)

LCI: Jurga

Media

[1] Music Export Lithuania: Jurga Wins the Baltic Song Contest in Karlshamn^{[dooie skakel]}

[2] Music Export Lithuania: Jurga Wins MTV European Music Award^{[dooie skakel]}

[1]

[2]