Jurriaan Andriessen

Jurriaan Hendrik Andriessen (15 November 1925, Haarlem - 19 Augustus 1996, Den Haag) was 'n Nederlandse Komponis.

Jurriaan Andriessen
Gebore15 November 1925
Sterf19 Augustus 1996
GenresKlassiek
Beroep(e)Komponis
Jurriaan Andriessen

Sy vader was die komponis Hendrik Andriessen, en sy broer die komponis Louis Andriessen. Sy oom was Willem Andriessen. Hulle almal was noemenswaardige komponiste. Andriessen het komposisie saam met sy vader gestudeer by die Utrecht Konservatoria , voordat hy aanbeweeg het na Parys , waar hy saam met Olivier Messiaen studeer het.

Die grootste deel van Andriessen se werk is vir die verhoog. Sy studie in Parys het vernaam gegaan oor die skryf van rolprentmusiek. Hy het 'n variëteit van musikale invloede gehad om uit te put, insluitende Amerikaanse rolprentmusiek, Aaron Copland se ballette, volksmusiek van verskeie kulture, Neoklassieke musiek, en Serialisme.

Bogenoemde eklektisisme, gekombineer met sy komposisionele vaardighede, het sy werk geskik gemaak vir die skryf van dramatiese werke. Sy eerste verhoogkomposisie was insidentele musiek vir Het wonderlijke uur, 'n verhoogstuk wat sy buiging ontvang het tydens die viering van die vyftigste jaar van Koningin Wilhelmina se troonstyging.

In 1954 het die Haagse Comedie (nou die Nationaal Toneel, of "Nasionale Teater") hom as resident-komponis aangestel, en in die hoedanigheid het hy onder andere musiek geskryf vir Eugene O'Neill se Mourning Becomes Electra en Tom Stoppard se Rosencrantz & Guildenstern Are Dead.

Die tyd van 1949 tot 1951 in die Verenigde State , danksy 'n Rockefeller Stigting Beurs, was 'n vrugbare tyd vir sy orkestrale komposisie, welke 'n ander noemenswaardige deel van sy werk uitmaak. Gedurende die tyd het hy die Tanglewood Ouverture vir Serge Koussevitsky gekomponeer, sowel as die Berkshire Simfonieë, wat later gebruik is as balletmusiek deur George Balanchine.

Sy komposisies was aangevra vir staatsvieringe, insluitende die troue en kroning van Koningin Beatrix van Nederland, en die Silwer Jubilee van Koningin Juliana van Nederland.

Bykomend tot die verhoog oftewel teaterstukke waarvoor hy die bekendste is, was Andriessen ook 'n produktiewe komponis van kamermusiek- en vokale werke, baie wat bedoel was om uitgevoer te word deur amateurs. Hy was ook 'n direkteur vir televisie.

Geselekteerde werke wysig

  • Het wonderlijke uur, Insidentele musiek (1948)
  • Berkshire Symphonies, orkestraal (1949)
  • Rouw past Elektra Insidentele musiek (1954)
  • Concertino, vir fagot en dubbele houtblaaskwintet (1962)
  • Entrata Festiva, orkestraal vir die troue van Prinses Beatrix (1966)
  • Rosencrantz and Guildenstern are Dead, verhoogwerk (1968)
  • Een Prince van Orangien, orkestraal, vir die Silwer Jubilee van Koningin Juliana (1973)
  • Entrata della regina, orkestraal, vir die kroning van Koningin Beatrix (1980)
  • Sciarada Spagnuola, Divertimento voor Blaaskwintet (1963)
  • Les Cloches des Clochards, suite voor carillon (1976)

Bronne wysig

  • Jos Wouters and Ronald Vermeulen: "Andriessen". Grove Music Online, ed. L. Macy. Accessed 7 March 2005.

Eksterne skakels wysig