KV26
KV26 is 'n grafkelder in die Vallei van die Konings by Thebe, naby die moderne stad Luxor in Egipte. Dit dateer van die 18de Dinastie. Die grafkelder lê in 'n syvallei wat lei na die grafkelder van Toetmoses III (KV34). Dit is in die 1820's of 1830's deur die vroeë Egiptoloog James Burton en in 1898 deur Victor Loret besoek.
| KV26 | ||
| Grafkelder van onbekende(s) | ||
| ||
| Die plan van KV26. | ||
| Ligging | Vallei van die Konings | |
| Land |  Egipte
| |
| Ontdek | Voor 1835 | |
| Uitgrawings deur | James Burton (1820's-'30's) Universiteit van Basel (2009) | |
| Versiering | Onversier | |
← Vorige WV25 Volgende →
KV27 | ||
Die eerste aangetekende uitgrawings is in 2009 gedoen deur die Universiteit van Basel. Tekens van minstens een begrafnis is gevind, asook fragmente van potte en steenhouers, maar niks is van die eienaar(s) bekend nie.
Plan en uitgrawings
wysigDie grafkelder bestaan uit 'n skag van sowat ses meter diep en 'n klein, onvoltooide kamer. Die hele grafkelder is net 11 meter lank. Hoewel dit in die verlede oorstroom is, is die kalksteen in 'n goeie toestand en onaangeraak deur klammigheid.[1]
Die grafkelder is die eerste keer deur James Burton besoek en toe deur Victor Loret.[2] Die eerste uitgrawings was in 2009 deur die Universiteit van Basel. Dit was gedeeltelik met puin gevul. Daarin is stukke keramiek, albasterflesse, ensovoorts ontdek.[1] Die potte bevat geen inskripsies nie, maar die styl dateer van die tyd van Toetmoses III en Amenhotep II.[3]
Minstens een individu is in die grafkelder begrawe. Onder meer 'n kopbeen is gevind.[1] 'n Staaldeur is aan die einde van die uitgrawings in 2009 voor die ingang aangebring.[1]
Verwysings
wysig- ↑ 1,0 1,1 1,2 1,3 Bickel, Paulin-Grothe & Sartori 2009, p. 1.
- ↑ Reeves & Wilkinson 1996, p. 182.
- ↑ Bickel 2010, p. 1.
Bronne
wysig- Bickel, Suzanne; Paulin-Grothe, Elina; Sartori, Nicolas (2009). "Preliminary Report on the Work Carried out During the Season 2009" (PDF). University of Basel. University of Basel Kings' Valley Project. Besoek op 22 April 2023.
- Bickel, Suzanne (2010). "Preliminary Report on the Work Carried out During the Season 2010" (PDF). University of Basel. University of Basel Kings' Valley Project. Besoek op 22 April 2023.
- Reeves, Nicholas; Wilkinson, Richard H. (1996). The Complete Valley of the Kings: Tombs and Treasures of Egypt's Greatest Pharaohs (2010 paperback uitg.). London: Thames and Hudson. ISBN 978-0-500-28403-2. Besoek op 22 April 2023.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
