KV3
KV3 is 'n grafkelder in die Vallei van die Konings by Thebe, naby die moderne stad Luxor in Egipte. Dit was bedoel vir 'n ongeïdentifiseerde seun van Ramses III in die vroeë 20ste Dinastie.
| KV3 | ||
| Grafkelder van 'n seun van Ramses III | ||
| ||
| Die ingang na KV3. | ||
| Ligging | Vallei van die Konings | |
| Land |  Egipte
| |
| Ontdek | Oop in antieke tye | |
| Uitgrawings deur | Edward Ayrton (1904-'06) Harry Burton (1912) | |
| Versiering | Rames III en 'n prins voor verskeie gode. | |
| Uitleg | Reguit as | |
← Vorige KV2 Volgende →
KV4 | ||
Dit het 'n reguit as, wat tipies was van dié dinastie. 'n Skerf met inskripsies op vertel van die stigting van 'n grafkelder vir 'n prins, waarskynlik KV3.[1] Die onvoltooide aard van 'n paar kamers en 'n gebrek aan bewyse dui daarop dat dit nooit gebruik is nie.
Beskrywing
wysig
Sommige geleerdes meen dit was oorspronklik bedoel vir die kroonprins wat die troon as Ramses IV sou bestyg,[2] en wat sy eie grafkelder (KV2) begin bou het kort nadat hy farao geword het.
KV3 is naby die ingang tot die vallei geleë. Buiten die ingang tot die grafkelder daal dit feitlik nie verder nie.[3] Daar is twee gange (A en B) wat van die opening na die grafkelder lei, met twee kamers langs die tweede gang. Net die een is voltooi. Ná die tweede gang is 'n groter kamer (F) met vier pilare en 'n kleiner kamer aan elke kant. Net die een kantkamer (Fa) is voltooi.
Anderkant F is nog drie kamers (G, H en I).[2] Een van dié kamers was moontlik bedoel as die grafkamer.[1]
Die enigste versierings wat bewaar gebly het, is weerskante van gang B. Dit wys Rames III, wat deur 'n ongenoemde prins gevolg word, voor verskeie gode.[2]
Daar is bewyse dat die grafkelder in die Bisantynse tydperk as 'n Christelike kapel gebruik is.[2]
Verwysings
wysig- ↑ 1,0 1,1 Reeves, Nicholas. Wilkinson, Richard H. The Complete Valley of the Kings. p. 161. Thames & Hudson. 1997. (Herdruk) ISBN 0-500-05080-5
- ↑ 2,0 2,1 2,2 2,3 "KV 3 (Son of Rameses III) – Theban Mapping Project". www.thebanmappingproject.com. Geargiveer vanaf die oorspronklike op 5 Augustus 2012. Besoek op 26 Februarie 2018.
- ↑ Dodson, Aidan and Ikram, Salima. The Tomb in Ancient Egypt. pp. 264–265. Thames & Hudson. 2008. ISBN 978-0-500-05139-9
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
