20ste Dinastie van Egipte

Die 20ste Dinastie van Antieke Egipte (ook Dinastie XX geskryf) word saam met die 18de en die 19de Dinastie beskou as die tyd van die Nuwe Ryk. Dit was die laaste dinastie van dié ryk en is gevolg deur die Derde Oorgangstydperk.

Heersers

Die farao's van die 20ste Dinastie het sowat 120 jaar lank regeer, van omstreeks 1187 tot 1064 v.C. Hulle was:

Farao	Troonnaam	Bewind	Graftombe
Setnachte	Oeserchaoere	1189 – 1186 v.C.	KV14
Ramses III	Oesermaatre-Merjamoen	1186 – 1155 v.C.	KV11
Ramses IV	Oeser/Heqamaatre Setepenamoen	1155 – 1149 v.C.	KV2
Ramses V	Oesermaatre Secheperenre	1149 – 1145 v.C.	KV9
Ramses VI	Nebmaatre Merjamoen	1145 – 1137 v.C.	KV9
Ramses VII	Oesermaatre Setepenre Merjamoen	1137 – 1130 v.C.	KV1
Ramses VIII	Oesermaatre Achenamoen	1130 – 1129 v.C.
Ramses IX	Neferkare Setepenre	1129 – 1111 v.C.	KV6
Ramses X	Chepermaatre Setepenre	1111 – 1107 v.C.	KV18
Ramses XI	Menmaatre Setpenptah	1107 – 1077 v.C.	KV4

Verval

Die farao's van die 20ste Dinastie het gely weens gevegte om die troon onder die erfgename van Ramses III. Drie van sy seuns het byvoorbeeld die mag oorgeneem, as Ramses IV, Ramses VI en Ramses VIII. Daar was ook ’n reeks droogtes, ondergemiddelde oorstromings van die Nylrivier, hongersnood, burgerlike onrus en amptelike korrupsie – wat alles die mag van die farao ondermyn het. Die mag van die laaste koning, Ramses XI, was so swak dat die hoëpriesters van Amoen by Thebe in die suide die eintlike heersers van Bo-Egipte geword het, terwyl Smendes Benede-Egipte selfs voor Ramses XI se dood beheer het. Smendes sou eindelik die 21ste Dinastie by Tanis stig.

Tydlyn

Eksterne skakels

• Wikimedia Commons het meer media in die kategorie 20ste Dinastie van Egipte.

Voorafgegaan deur ← 19de Dinastie

20ste Dinastie

Opgevolg deur 21ste Dinastie →