18de Dinastie van Egipte

Die 18de Dinastie (ook Dinastie XVIII geskryf; 1543–1292 v.C.) is waarskynlik die bekendste van al die dinastieë van Antieke Egipte. Dit het van die bekendste farao's gehad, onder andere Toetankamen, wie se graf in 1922 deur Howard Carter ontdek is en wêreldwyd ’n sensasie veroorsaak het.

Ander bekende farao's sluit in Hatsjepsoet (1479–1458 v.C.), die langs regerende vroulike farao van ’n plaaslike dinastie, Achenaten (1353–1336 v.C.), die "heidense" farao, en sy koningin, Nefertiti.

Die 18de Dinastie word dikwels saam met die 19de en die 20ste Dinastie beskou as die Nuwe Ryk.

Heersers

Die farao's van die 18de Dinastie het sowat 250 jaar lank regeer (omstreeks 1543–1292 v.C.). Die bekendstes was:

Farao	Troonnaam	Bewind	Graftombe
Ahmoses I	Nebpehtire	1549–1524 v.C
Amenhotep I	Djeserkare	1524–1503 v.C.	KV39?
Toetmoses I	Acheperkare	1503–1493 v.C.	KV20, KV38
Toetmoses II	Acheperenre	1493–1479 v.C.	KV42?
Hatsjepsoet	Maatkare	1479–1458 v.C.	KV20
Toetmoses III	Mencheperre	1479–1425 v.C.	KV34
Amenhotep II	Acheperoere	1425–1398 v.C.	KV35
Toetmoses IV	Mencheperoere	1398–1388 v.C.	KV43
Amenhotep III	Nebmaatre	1388–1350 v.C.	KV22
Amenhotep IV / Achenaten	Neferkepherure-Waenre	1351–1334 v.C.	Graftome van Achenaten
Smenchkare	Anchcheperoere	1335–1334 v.C.
Neferneferoeaten	Anchcheperoere	1334–1332 v.C.
Toetankamen	Nebcheperoere	1332–1323 v.C.	KV62
Ai	Chepercheperoere	1323–1319 v.C.	KV23
Horemheb	Djesercheperoere-Setepenre	1319–1292 v.C.	KV57

Tydlyn

Eksterne skakels

• "Hatshepsut: from Queen to Pharaoh, an exhibition catalog from The Metropolitan Museum of Art" (aanlyn beskikbaar as pdf)

• Wikimedia Commons het meer media in die kategorie 18de Dinastie van Egipte.

Voorafgegaan deur ← 17de Dinastie

18de Dinastie

Opgevolg deur 19de Dinastie →