Amenhotep I was die tweede farao van die 18de Dinastie van Egipte. Sy bewind word gewoonlik beskou as tussen 1526 en 1506 v.C. Hy was die seun van Ahmoses I en Ahmoses-Nefertari, maar het minstens twee ouer broers, Ahmoses-anch en Ahmoses Sapair, gehad en daar is dus nie verwag dat hy koning sou word nie. Die een of ander tyd in die agt jaar tussen Ahmoses I se 17de bewindsjaar en sy dood het sy erfgenaam egter gesterf en het Amenhotep die kroonprins geword. Met Ahmoses se dood het hy die troon bestyg en sowat 21 jaar lank regeer.[1]
| Amenhotep I
|
|
| Een van die min oorblywende driedimensionele uitbeeldings van Amenhotep I uit die tyd van sy bewind.
|
| Farao van die 18de Dinastie
|
| Periode |
1526-1506 v.C.
|
| Voorganger |
Ahmoses I
|
| Opvolger |
Toetmoses I
|
| Vader |
Ahmoses I
|
| Moeder |
Ahmoses-Nefertari
|
| Oorlede |
1506 of 1504 v.C.
|
| Amenhotep I in Egiptiese hiërogliewe
|
|
|
|
|
Hy het die koninkryk geërf wat sy pa deur sy militêre oorwinnings opgebou het en het heerskappy oor Nubië en die Nyldelta gehandhaaf, maar nie in die Levant nie. Hy het die herbou van tempels in Bo-Egipte voortgesit. Ná sy dood is hy vergoddelik as die beskermingsgod van Deir el-Medina.[2]
- ↑ Manetho – vertaal deur W.G. Waddell, Loeb Classical Library, 1940, p.109
- ↑ "Amenhotep I". British Museum. Besoek op 20 Mei 2007.
Wikimedia Commons het meer media in die kategorie Amenhotep I.
Hierdie artikel is vertaal uit die Engelse Wikipedia
