KV37
KV37 is 'n grafkelder in die Vallei van die Konings by Thebe, naby die moderne stad Luxor in Egipte. Die teenwoordigheid van begrafnisflesse en beenfragmente dui daarop dat dit vir 'n begrafnis gebruik is, waarskynlik in die 18de Dinastie. Dit is egter onbekend wie die oorspronklike eienaar was.[1]
| KV37 | ||
| Grafkelder van 'n onbekende | ||
| ||
| Die plan van KV37. | ||
| Ligging | Vallei van die Konings | |
| Land |  Egipte
| |
| Ontdek | 1899 | |
| Uitgrawings deur | Victor Loret (1899) Universiteit van Basel (2016-'17) | |
← Vorige KV36 Volgende →
KV38 | ||
Ontdekking en uitgrawings
wysigKV37 is geleë in 'n sytak van die suidelike syvallei, net onder die grafkelder van Toetmoses III (KV34).[2] Dit is in 1899 deur Victor Loret ontdek; sy verslae noem die vonds van skerwe en artefakte met die naam van Toetmoses IV en Seti I. Dit het ook kelke bevat wat deur die Egiptoloog Elizabeth Thomas aangeteken is.[3]
Herondersoek
wysigIn 2016-'17 is die grafkelder weer skoongemaak deur 'n span van die Universiteit van Basel omdat dit verskeie meters onder die grondvlak gelê het en vol puin was. In die middel van die enkele vertrek is erdeware gekry. Die sowat 20 tot 29 flesse is skoongemaak en weer gelas.[3][4] Die kamer is ook deeglik gefotografeer.
Verwysings
wysig- ↑ Reeves, Nicholas; Wilkinson, Richard H. (2010). The Complete Valley of the Kings: Tombs and Treasures of Egypt's Greatest Pharaohs. Londen: Thames & Hudson Ltd. p. 183. ISBN 978-0-500-28403-2.
- ↑ "KV 37 (Unknown)". Theban Mapping Project (in Engels). Besoek op 26 Julie 2021.
- ↑ 3,0 3,1 Bickel, Suzanne; Paulin-Grothe, Elina (2017). "Report on work carried out during the field season 2016–2017" (PDF). University of Basel Kings' Valley Project: 6–9. Besoek op 26 Julie 2021.
- ↑ Bickel, Suzanne; Paulin-Grothe, Elina (2018). "Report on work carried out during the field season 2017–2018" (PDF). University of Basel Kings' Valley Project: 14. Besoek op 26 Julie 2021.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
