Kaiserslautern
Kaiserslautern (Duits: ; plaaslik: Lautre) is 'n stad in Rynland-Palts in die suidweste van Duitsland, met 'n bevolking van 99 662 op 31 Desember 2020 en 'n oppervlakte van 139,7 km². Die stad is in die hartland van die Palts-streek 75 kilometer wes van Ludwigshafen am Rhein, 80 kilometer suidwes van Mainz en 75 kilometer oos van Saarbrücken geleë. Die eerste historiese verwysing na Kaiserslautern dateer uit die jaar 830 en in 1276 het koning Rudolf von Habsburg stadstatus aan Kaiserslautern toegeken. In sokkerkringe is die stad veral vir die plaaslike FC Kaiserslautern bekend. Dit was een van die gasheerstede tydens die FIFA Sokker-Wêreldbekertoernooi in 2006.
|
Kaiserslautern | |
|---|---|
| Kaart | Wapen |
 | |
 | |
| Vlag | |
 | |
| Land |  Duitsland
|
| Deelstaat |  Rynland-Palts
|
| Koördinate | 49°27′N 7°46′O / 49.450°N 7.767°O |
| Stigting (eerste verwysing) | 830 |
| Stadstatus | 1276 |
| Oppervlakte: | |
| - Totaal | 139,7 vk km |
| Hoogte bo seevlak | 251 m |
| Bevolking: | |
| - Totaal (31 Desember 2020) | 99 662[1] |
| - Bevolkingsdigtheid | 713/vk km |
| Tydsone | UTC +1 (MET) |
| - Somertyd | UTC +2 (MEST) |
| Burgemeester | Klaus Weichel (SPD) |
| Amptelike Webwerf | kaiserslautern.de |
Amerikaanse militêre basisse
wysig
In Kaiserslautern en sy omgewing is 'n verskeidenheid militêre instellings van die Amerikaanse Leër (United States Army) en Lugmag (United States Air Force). Die meeste van altesaam 46 000 aktiewe soldate, reserviste en burgerlike personeel, wat in Duitsland gestasioneer is, maak deel uit van die Kaiserslautern Military Community, die grootste Amerikaanse militêre basis in die buiteland. Daar word beraam dat tans sowat 57 000 Amerikaners in Kaiserslautern of sy omgewing woonagtig is – veral omdat soldate dikwels hul gesinne saambring. Naby die stad, wat weens die vir Amerikaanse burgers moeilik uitspreekbare naam meestal kortweg K-Town genoem word, het die lugmagbasis Ramstein ontstaan waarna as die "Weste se vliegdekskip" verwys is.[2]
Verwysings
wysig- ↑ (de) "Bevölkerungsstand 2020, Kreise, Gemeinden, Verbandsgemeinden". Statistisches Landesamt Rheinland-Pfalz. 31 Desember 2020. Besoek op 8 Junie 2022.
- ↑ (en) fluter.de, 27 Oktober 2016: Bedingt wahlkampfbereit. Besoek op 12 April 2020
Eksterne skakels
wysig
Wikimedia Commons het meer media in die kategorie Kaiserslautern.- (en) Toerisme-inligting oor Kaiserslautern op Wikivoyage
- (en) Amptelike webwerf
