Kanadese dollar
| Rang | Geldeenheid | Simbool ISO 4217 |
% daaglikse aandeel (Des. 2015) |
|---|---|---|---|
| 1 |  Amerikaanse dollar |
USD ($) | 87,0% |
| 2 |  Euro |
EUR (€) | 33,4% |
| 3 |  Japannese jen |
JPY (¥) | 23,0% |
| 4 |  Pond sterling |
GBP (£) | 11,8% |
| 5 |  Switserse frank |
CHF (CHF) | 8,6% |
| 6 |  Kanadese dollar |
CAD ($) | 5,2% |
| 7 |  Australiese dollar |
AUD ($) | 4,6% |
| 8 |  Meksikaanse peso |
MXN ($) | 2,5% |
| 9 |  Chinese juan |
CNY (¥) | 2,2% |
| 10 |  Nieu-Seelandse dollar |
NZD ($) | 2,0% |
| 11 |  Sweedse kroon |
SEK (kr) | 1,8% |
| 12 |  Russiese roebel |
RUB (₽) | 1,6% |
| 13 |  Hongkong-dollar |
HKD ($) | 1,4% |
| 14 |  Noorse kroon |
NOK (kr) | 1,4% |
| 15 |  Singapoer-dollar |
SGD ($) | 1,4% |
| 16 |  Turkse lira |
TRY (₺) | 1,3% |
| 17 |  Suid-Koreaanse won |
KRW (₩) | 1,2% |
| 18 |  Suid-Afrikaanse rand |
ZAR (R) | 1,1% |
| 19 |  Brasiliaanse real |
BRL ($) | 1,1% |
| 20 |  Indiese roepee |
INR (₹) | 1,0% |
| Ander | 6,3% | ||
| Totaal[n 1] | 200% | ||
Die Kanadese Dollar (ISO 4217-kode: CAD) is die amptelike geldeenheid van Kanada. Gewoonlik word afkortings soos die dollar-teken $ of C$ of CAD$ gebruik om na die Kanadese Dollar te verwys en dit van ander lande se dollar-geldeenhede te onderskei.
Terwyl die International Organization for Standardization (ISO) se kode CAD (drie letters sonder monetêre simbole) algemeen gebruiklik is, is daar ook ander afkortings en simbole soos C$ (wat deur die Kanadese regering volgens The Canadian Style Guide aanbeveel en ook deur die Internasionale Monetêre Fonds gebruik word), Can$ en CDN$ (volgens Editing Canadian English) vir die Kanadese geldeenheid.
Die Kanadese Dollar word in 100 sente onderverdeel. Die Kanadese Dollar is die monetêre basis vir die Kanadese ekonomie, en alle munte word deur die Koninklike Kanadese Munt geslaan, terwyl die Canadian Bank Note Company en BA International Inc alle banknote in opdrag van die Bank of Canada/Banque du Canada druk.
Geskiedenis
wysigDie geskiedenis van Kanada se geldeenheid weerspieël die verswakkende ekonomiese bande met die Verenigde Koninkryk en die belang van sy toenemende handel met die Verenigde State. Die relatief sterk handelsbande met die VSA was ook 'n beslissende faktor by Kanada se besluit in die 1850's om ten spyte van Britse opposisie eerder die dollar as amptelike geldeenheid te kies as die pond. Nogtans het sowel Amerikaanse as Britse muntstukke tot by die 1930's naas die nasionale Kanadese banknote en muntstukke 'n wettige betaalmiddel in Kanada gebly.
Die ekonomiese invloed van die VSA het ook Kanada se wisselkoersbeleid oorheers: Gedurende die 19de en vroeë 20ste eeu het albei lande die goudstandaard gehandhaaf en hul geldeenhede gevolglik teen pariteit verhandel. Vanweë die afwykende struktuur van Kanadese uitvoere – die land is in teenstelling met die VSA nogal 'n beduidende uitvoerder van verwerkte goedere – en die noodsaaklikheid om sy eie ekonomiese doelwitte met 'n onafhanklike makro-ekonomiese beleid te bereik, het Kanada in 1950 en 1970 voorkeur aan 'n fluktuerende wisselkoers gegee. In September 2007 het die Kanadese dollar - net soos in 1976 - weer teen pariteit met die Amerikaanse dollar verhandel.
Notas
wysig- ↑ Die somtotaal is 200% want elke verhandeling behels 'n geldeenheidpaar.
Verwysings
wysig- ↑ (en) "World's Most Traded Currencies By Value 2012". investopedia.com. Besoek op 10 Junie 2013.
- ↑ (en) "Report on global foreign exchange market activity in 2013" (PDF). Triennial Central Bank Survey. Basel, Switserland: Bank for International Settlements. April 2013. p. 12. Besoek op 22 Oktober 2013.
Bronne
wysig- Powell, James: A History of the Canadian Dollar. Banque du Canada / Bank of Canada. Aanlyn beskikbaar: A History of the Canadian Dollar - in pdf-formaat Geargiveer 5 Junie 2009 op Wayback Machine
Eksterne skakels
wysig| Wikimedia Commons bevat media in verband met Money of Canada. |
- (en) (fr) Bank of Canada/Banque du Canada
- (en) (fr) Royal Canadian Mint/Monnaie royale canadienne
- (en) (fr) (de) Historische en actuele bankbiljetten van Kanada