Kanadese Ruimteagentskap
Die Kanadese Ruimteagentskap (CSA; Frans: Agence spatiale canadienne, ASC) is die nasionale ruimteagentskap van Kanada. Dit is in 1990 gestig en doen verantwoording aan die minister van innovasie, wetenskap en ekonomiese ontwikkeling.
Die president van die CSA is Lisa Campbell, wat op 3 September 2020 in die pos aangestel is.[1] Die hoofkwartier is in Quebec, en die agentskap het ook kantore in Ontario, Houston, Washington, D.C. en Parys.[2]
Samewerking met die ESA wysig
Die CSA werk sedert die 1970's saam met die Europese Ruimteagentskap (ESA)[3][4] en het verskeie formele en informele vennootskappe en samewerkingsprogramme met agentskappe in ander lande, soos Indië en Swede.
Kanada se samewerking met Europa in ruimteaangeleenthede dateer van voor die stigting van beide die CSA en ESA.[3] Van 1 Januarie 1979 af het Kanada die spesiale status van 'n "samewerkende staat" met die ESA;[4] hulle betaal vir die voorreg, belê in werktyd en verskaf wetenskaplike instrumente wat op ruimtetuie van die ESA geplaas word.
In Februarie 2009 was daar 30 Kanadese by die ESA werksaam as personeellede.
Kanadese ruimteprogram wysig
Die Kanadese Ruimteagentskap administreer die Kanadese ruimteprogram. Kanada het tegnologie, kennis en personeel bygedra tot die wêreld se ruimteprogramme, veral in samewerking met die ESA en Nasa. Benewens sy ruimtevaarders en satelliete sluit van die Kanadese tegnologiese bydraes tot ruimteverkenning in die Canadarm op die Pendeltuig en Canadarm2 op die Internasionale Ruimtestasie (IRS).
Kanada se bydrae tot die IRS is die mobiele diensstelsel van $1,3 miljard. Dit bestaan uit Canadarm2, Dextre, die mobiele basisstelsel en verskeie werkstasies.
Verwysings wysig
- ↑ "Lisa Campbell becomes the first woman to head the Canadian Space Agency".
- ↑ "Canadian Space Agency 2015–16 Report on Plans and Priorities". 2015. Geargiveer vanaf die oorspronklike op 16 Junie 2016. Besoek op 25 Mei 2016.
- ↑ 3,0 3,1 Dotto, Lydia (Mei 2002). Canada and The European Space Agency: Three Decades of Cooperation (PDF). European Space Agency.
- ↑ 4,0 4,1 "ESA and Canada renew partnership in space science and technology". European Space Agency. 15 Desember 2010. Besoek op 2 Februarie 2014.
Skakels wysig
Wikimedia Commons het meer media in die kategorie Kanadese Ruimteagentskap.
Hierdie artikel is in sy geheel of gedeeltelik uit die Engelse Wikipedia vertaal.
