Keiser van Indië

Keiser/Keiserin van Indië (Engels: Emperor of India) is gebruik as ’n titel deur die laaste keiser van die Mogolryk, Bahadur Shah II, en weer deur die koloniale monarge van die Britse Ryk tydens die Britse heerskappy in Indië.

Die Orde van die Ster van Indië, wat gebruik is as wapen van die Britse heerskappy in koloniale Indië.

Die term verwys ook soms na Indiese keisers soos Ashoka die Grote van die Maurya-dinastie en keiser Akbar die Grote van die Mogolryk. Hulle het egter nie die titel vir hulself toegeëien nie.

Britse monarge

Britse monarge wat die titel Koning-keiser (Koningin-keiserin) van Indië gebruik het, is: Victoria, Edward VII, George V, Edward VIII en George VI.