Kemper Museum
Die kern van die Kemper Museum in Colesberg is die unieke versameling voorwerpe en dokumente betreffende die Tweede Vryheidsoorlog.
Onderwerpe
wysigIn die museum is objekte te sien van geskiedkundige belang vir Colesberg en omstreke. Die ongelyksoortige versameling bestaan uit fossiele, bokhorings, prente, manuskripte, illustrasies, halfedelstene, skulpe en items oor merinoboerdery en die perdeteelt. Daar is ‘n werkende perdemeul. Verskeie artefakte illustreer die lewe en tyd van vorige inwoners van die streek. Ou landbouwerktuie dateer uit die era toe die trekboere die dorp via Norvalspont as wegspringplek gebruik het vir hul reis na noord van die Oranjerivier en die Vaalrivier. ‘n Besondere besit van die museum is die oorspronklike skets deur die Colesbergse apteker C.J. Kemper (1806-1887) van een van die Van Plettenberg-bakens gemaak in 1830 op die plaas T’Zamenkomst (destyds die plaas van Tjaart van der Walt).
Skenking
wysigOp 3 November 1924 het hierdie museum begin toe die munisipale amptenaar George Ludwig Engelhardt (Luther, Luke, Luth) Kemper (*Colesberg, 22 April 1856 - †Mafeking, 13 Oktober 1954) sy persoonlike versameling gedenkwaardighede aan sy tuisdorp geskenk het.
Bibliografie
wysig- de Jongh, Michael en Belinda Gordon: The forgotten front. Untold stories of the Anglo-Boer War in the Karoo. Durban: Watermark Press, 2018. ISBN 978-0-620-78699-7
- Fransen, Hans (samesteller): Guide to the museums of Southern Africa. Kaapstad: Suid-Afrikaanse Museumvereniging, 1978