Kenneth Clark

Kenneth Mackenzie Clark, Baron Clark (13 Julie 1903 – 21 Mei 1983) van Saltwood, ook genoem Sir Kenneth Clark was 'n Britse kunshistorikus wat gebore is in Londen, Verenigde Koninkryk en wat in Kent gesterf het.

Kenneth Clark
Gebore	Kenneth Mackenzie Clark (1903-07-13)13 Julie 1903 Mayfair, Londen, Engeland
Sterf	21 Mei 1983 (op 79) Hythe, Kent, Engeland
Nasionaliteit	Verenigde Koninkryk
Beroep	Kunshistorikus

Kenneth Clark (circa 1918)

Clark was 'n lydende en toonaangewende gesag wat betref die kuns van die Italiaanse Renaissance. Clark was gebore in 'n welgestelde familie, en was opgevoed te Winchester en Trinity Kollege, Oxford. Sy werklike opvoeding het egter begin toe hy twee jaar in Florence (Firenze) spandeer het onder Bernard Berenson, wat beskou was as die mees gesaghebbende kunskritikus van sy tyd.

Clark het na Engeland teruggekeer en vir die res van sy loopbaan deelgeneem aan beide akademiese navorsing en openbare diens. Hy het gedien as direkteur van die Ashmolean Museum (1931-1934) en daarna as direkteur van die Nasionale Gallery, London (1934-1945). In 1934 was hy ook aangestel as toesighouer van die Koninklike Skilderye. Van 1953 tot 1960 was hy voorsitter van die Kunsteraad van Groot-Brittanje, en vanaf 1954 tot 1957 het hy ook gedien as die eerste voorsitter van Onafhanklike Televisie Owerheid, wat by hom die potensiaal van massa media tuisgebring het om die algemene publiek bloot te stel aan grootste, besondere kuns en kunswerke. Hy was ook Slade professor van die Fyne kunste aan Oxford (1946-50 en 1961-62).

Clark het homself reeds gevestig as 'n elegante en gesaghebbende skrywe en lektor op 'n reeks kulturele en artistieke onderwerpe toe hy in 1969 'n reeks geskryf het vir die BBC naamlik; "Civilisation". Die reeks, 'n meesleurende panorama van Europese kuns vanaf die Middeleeue tot die 20ste eeu, het Clark internasionaal bekend gemaak. Terwyl die reeks Clark se erudisie, welsprekendheid, entoesiasme en talent as 'n kommunikeerder gedemonstreer het, was dit gekritiseer deur sommige kunsgeskiedkundiges vir sy ietwat oorvereenvoudigde hantering van die onderwerp.

Clark het 'n aantal literêre werke die lig laat sien oor kuns. Sy eerste werk was "The Gothic Revival" (1928).In 1935 het hy 'n monograaf oor Leonardo da Vinci se skilderye geskryf (Leonardo da Vinci- 1939) wat beskou word as sy mees in-diepte en skolastiese werk. Sy "Landscape into Art" (1949) en "The Nude" (1955) was goed ontvang en het baie gedoen om die populêre waardering van kuns te bevorder. Hy het "Civilisation" (1969) geskryf as 'n opsomming en bykomstige bron tot sy televisiereeks. Hy het ook twee volumes outobiografieë geskryf.

Clark was in onderskeidelik 1938 en 1959 'n "Knight Commander of the Bath" en 'n "Companion of Honour" gemaak.

Bibliografie

• The Gothic Revival (1928)
• Catalogue of Drawings of Leonardo da Vinci in the collection of His Majesty the King at Windsor Castle (1935)
• One Hundred Details in the National Gallery (1938)
• Last Lectures by Roger Fry (1939)
• Leonardo da Vinci: An Account of his development as an Artist (1939)
• Constable’s Hay Wain (1944)
• L. B. Alberti on Painting (1944)
• Florentine Painting: The Fifteenth Century (1945)
• Introduction to Praeterita (1949)
• Landscape into Art (1949)
• Piero della Francesca (1951)
• Moments of Vision (1954)
• The Nude: a study in ideal form (1956)
• Looking at Pictures (1960)
• Ruskin Today (1964)
• Rembrandt and the Italian Renaissance (1966)
• A Failure of Nerve (1967)
• The Drawings by Leonardo da Vinci in the Collection of Her Majesty the Queen at Windsor Castle (1968–1969)
• Civilisation: A Personal View (1969)
• The Artist Grows Old(1972)
• Westminster Abbey (1972)
• Blake and Visionary Art (1973)
• Romantic versus Classic Art (1973)
• The Romantic Rebellion (1973)
• Another Part of the Wood: A Self-Portrait (1974)
• Henry Moore Drawings (1974)
• The Drawings by Sandro Botticelli for Dante’s Divine Comedy (1976)
• The Other Half: A Self-Portrait (1977)
• Animals and Men (1977)
• The Best of Aubrey Beardsley (1978)
• An Introduction to Rembrandt (1979)
• What is a Masterpiece? (1979)
• Feminine Beauty (1980)
• The Art of Humanism (1983)