Kersiefees

Die jaarlikse Kersiefees word tydens die derde week van November op die Oos-Vrystaatse dorp Ficksburg gehou. Hierdie fees is die oudste oesfees in Suid-Afrika, en vier in 2017 sy 50ste herdenking. Die Kersiefees is sinoniem met die dorp Ficksburg, wat al die Kersiehoofstad van Suid-Afrika genoem is.

Kersies

Aktiwiteite

Daar is verskeie aktiwiteite tydens die jaarlikse Kersiefees beskikbaar, met die Kersie-halfmaraton wat een van die hoogtepunte is. Hierdie halfmarathon begin in die dorp, en klim aan die noordelike kant teen Imperani, ('n groot berg aan die westekant van die dorp) uit. Dit strek 'n groot afstand oor die berg, en daal aan die suid-oostelike gedeelte van die berg af, waarna dit in die dorp eindig. Hierdie halfmaraton is 'n volle 23 km lank, langer as die 21,1km van 'n standaardhalfmaraton.

Ander aantreklikhede is kunstenaars wat optree, 'n gholftoernooi, veteraanmotors, 'n vlooimark en vele meer. In die verlede was daar 'n groot optog met vlotte, maar a.g.v. die geleidelike verarming van die platteland, het baie hiervan weggeval.

Geskiedenis

Die eerste Kersiefees is in 1968 gehou en is deur ongeveer 25 000 mense bygewoon.