Imperani

Imperani is 'n berg aan die westekant van die Oos-Vrystaatse dorp Ficksburg. Die berg bestaan uit kranse van die Clarens-sandsteenformasie, wat die kenmerkende bergvorms van die Oos-Vrystaat vorm.

Imperani
Foto van Ficksburg geneem vanaf Imperaniberg. Die Caledonrivier en Lesotho kan langs Ficksburg gesien word, met die Malutiberge in die agtergrond.
Ligging	Ficksburg, Suid-Afrika
Hoogte	1 835 meter bo seevlak
Koördinate	28°52′00.1″S 27°51′02.2″O
Imperani

Tydens die jaarlikse Kersiefees op die dorp Ficksburg, word die Kersie-halfmaraton oor die bokant van Imperaniberg gehardloop.

Aan die westekant van Imperani, lê Meulspruitdam, met 'n vakansieoord teen die kant van die berg.

Imperani het verskeie landerye aan die bokant as gevolg van sy grootte, en die plat bokant van die berg. Toegang tot die bokant is vanaf 'n grondpad aan die noordekant, en 'n sementpad aan die suidooste wat na die televisietoring op die berg lei.

Vanaf die berg is daar 'n uitsig oor die hele dorp van Ficksburg, die Caledonrivier (wat die grens tussen Suid-Afrika en Lesotho vorm), Lesotho, asook die manjifieke Malutiberge in Lesotho.