Meulspruitdam

Meulspruitdam is 'n dam wat buite die dorp Ficksburg in die Oos-Vrystaat geleë is. Die Meulspruitdam is 'n lang, smal dam wat etlike kilometer lank is, maar as gevolg van sy ligging tussen twee berge (Imperani aan die ooste) is dit op sy breedste skaars 100 m wyd. Die dam is in die Meulspruit gebou, wat etlike kilometer onder die damwal in die Caledonrivier invloei.

Meulspruitdam
Meulspruitdam se wal
Amptelike naam	Meulspruitdam
Ligging	Ficksburg, Vrystaat
Provinsie/Land	Suid-Afrika
Koördinate	28°51′54.44″S 27°49′36.27″O
Dam in	Meulspruit
Doel	Besproeiing, watervoorsiening aan dorp asook ontspanning soos visvang en watersport.
Konstruksie begin	1970s
Eienaar	Departement van Waterwese
Soort dam	Gravitasiedam
Hoogte van wal	25 m
Reservoir	Meulspruitdam Reservoir

Die dam is in die 1970's gebou, en het 'n betonwal.

Meulspruitdam dien as die vernaamste watervoorsiening vir die dorp Ficksburg, en het ook 'n vakansieoord op die oostelike oewer van die dam, wat veral tydens die jaarlikse Kersiefees in November baie gewild is.

Sien ook

• Lys van grootste damme in Suid-Afrika

Die Meulspruitdam oor die damwal afgeneem. Die wit op die wateroppervlak is ligweerkaatsing van wolke bo die dam.

Meulspruitdam buite Ficksburg. Foto vanaf bokant geneem.