Keurboslaan-reeks
Die Keurboslaan-reeks is kosskoolverhale wat eintlik vir seuns geskryf is, maar ewe veel deur meisies geniet word. Dit is deur Stella Blakemore geskryf, onder die skuilnaam Theunis Krogh. Die verhale draai om Keurboslaan Seunsskool, 'n eksklusiewe privaatskool aan die grens van Swaziland (nou eSwatini) waarvan dr. Roelof Serfontein, 'n geniale skrywer-miljardêr, die hoof is. Die boeke bevat talle humoristiese situasies en kattekwaad wat deur die seuns aangevang word, op 'n egte, pittige Stella Blakemore-manier beskryf.
Boeke
wysigDie Keurboslaan-reeks bestaan uit 23 boeke. In 1973 is die boeke herdruk in die Nuwe Keurboslaan-reeks, maar om praktiese redes was dit onmoontlik om al die titels te herdruk, en is sommige van hulle saamgevoeg en verkort om die nuwe reeks te vorm.
Jong doktor Serfontein
wysigDie eerste boek in die ou Keurboslaan-reeks. In die nuwe reeks het die eerste boek ook hierdie titel, maar dit is 'n samevoeging van die eerste en die tweede boeke in die ou reeks.