Kinaboom

Die Kinaboom (Rauvolfia caffra) is 'n klein tot middelslag boom. Die boom kom noord van Oos-Londen tot in Gauteng, Mpumalanga, en Limpopo voor. Hulle word altyd naby water gevind aan stroom-oewers. In Engels staan die boom bekend as die Quinine-tree.

Kinaboom
Rauvolfia caffra, stam en blare.
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Asterids
Orde:	Gentianales
Familie:	Apocynaceae
Genus:	Rauvolfia
Spesie:	R. caffra
Binomiale naam
Rauvolfia caffra Sond.
Sinonieme
R. natalensis

Blare

Die blare word in kranse van drie tot vyf gedra en die blaarrande neig om met die blaarsteel saam te smelt.

Vrugte

Die vrugte word in pare on enkel gedra en is vlesig, ongeveer 13 cm in deursnee. Die vrugte word swart en verrimpel wanneer hulle ryp is.

Medisinale waarde

Die sap van die boom is melkerig, dun en bitter. Dit was voorheen teem malaria gebruik maar word tans as ondoeltreffend beskou. Die wortelbas bevat reserpien wat as kalmeermiddel gebruik word en ook teen hoë bloeddruk.

• 
  Blare en vrugte.
• 

Sien ook

• Alfabetiese lys van Suid-Afrikaanse bome

Bron

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8