Klaasjagersrivier
Die Klaasjagersrivier is ‘n stroom in die berge suid van Simonstad.
| Klaasjagersrivier | |
|---|---|
| Stroomgebied | Kaappunt, Wes-Kaap |
| Oorsprong-hoogte | 4 m |
  Klaasjagersrivier |
|
| Koördinate: 34°13′54″S 18°22′52″O / 34.23167°S 18.38111°O | |
Die rivier ontspring op ‘n hoogte van 600 m bo seespieël in die Lieferskloof op die westelike helling van die Swartkopberg op die ooskus van die Kaapse Skiereiland. Dit vloei suidwaarts en sak vinnig. Waar dit skielik eers noordwes en dan weswaarts draai, sluit die Smitswinkelrivier van suidoos daarby aan. Effens verder stroomaf sluit die Houterivier ook van suidoos aan. Vanaf daardie punt staan die versterkte rivier as die Krommerivier bekend. By die see by Die Mond in die Klein Smitswinkelbaai vorm die rivier ‘n breë lagune met ‘n lengte van 1½ km. Op die strand daar is opvallend baie seewier en regoor die mond verradelike welsand. Verskeie bouvalle en enkele verlate begraafplase is getuienis van vroeëre digte bewoning.
Bibliografie
wysig- Burman, Jose: Safe to the sea. Kaapstad: Human & Rousseau, 1962.