Klipriviersberg-natuurreservaat
Klipriviersberg-natuurreservaat is 'n natuurreservaat van 640 ha bestaande uit veld en koppies wat deur die Johannesburg Stad se Parke-afdeling bestuur word. Dit is 11 km suid van Johannesburg geleë. Dit is die tuiste van baie spesies van flora en voëllewe, asook van groot en klein soogdiere soos blesbokke, sebra's, wildebeeste en duikers. Die reservaat beskik oor 'n aantal staproetes en paaie, argeologiese terreine met die Bloubosspruit wat deur die gebied vloei.[1] Die reservaat se naam is afgelei van die plaas Klipriviersberg, hoewel dit uit dele van die plase Rietvlei, Olifantsvlei en moontlik Eikenhof bestaan, wessuidwes van Klipriviersberg en suid van die plaas Turffontein.
Fauna en flora wysig
Groot soogdiere soos die swartwildebees, blesbok, springbok, rooihartbees en sebras word in die reservaat aangetref, met ongeveer 240 soorte van hierdie groot diere.[2] Talle klein soogdiere word ook hier gevind. 215 Voëlspesies is aangeteken in die reservaat, sowel as slange, geitjies, akkedisse, skinks en skilpaaie.[3] Dit is ook 'n toevlugsoord vir inseklewe soos skoenlappers, wurms en spinnekoppe. Daar is ongeveer 650-700 plantspesies in die reservaat, 340 wilde blomme, 67 bome en struike sowel as 70 grasspesies is gekatalogiseer.[4]
Ontspanning wysig
Die omheinde reservaat is die hele jaar oop van sonop tot sononder. Die ruïnes van Marais se plaashuis, waenskuiling en familiebegraafplaas is vandag nog te sien.[5] Daar is ook nege staproetes van 20 km in totaal.[6] In die noorde van die reservaat is die Stilpoel, die resultaat van 'n gat wat gegrawe is tydens die bou van die voorgestelde dam.
Verwysings wysig
- ↑ "Klipriviersberg - oor die organisasie" (in Engels). Geargiveer vanaf die oorspronklike op 21 Mei 2016. Besoek op 9 Januarie 2017.
- ↑ "Klipriviersberg - soogdiere" (in Engels). Geargiveer vanaf die oorspronklike op 19 April 2016. Besoek op 9 Januarie 2017.
- ↑ "Klipriviersberg - voëls" (in Engels). Geargiveer vanaf die oorspronklike op 21 Mei 2016. Besoek op 9 Januarie 2017.
- ↑ "Klipriviersberg - flora" (in Engels). Geargiveer vanaf die oorspronklike op 21 Mei 2016. Besoek op 9 Januarie 2017.
- ↑ "Klipriviersberg - die Marais geskiedenis" (in Engels). Geargiveer vanaf die oorspronklike op 21 Mei 2016. Besoek op 9 Januarie 2017.
- ↑ "Klipriviersberg - staproetes" (in Engels). Geargiveer vanaf die oorspronklike op 31 Maart 2016. Besoek op 9 Januarie 2017.