Knoet V van Denemarke

Knoet V (Deens: Knud V Magnussen; omstreeks 1125 – 9 Augustus 1157) was tussen 1146 en 1157 ’n medekoning van Denemarke saam met Sven III en Waldemar die Grote.

Knoet V
Koning van Denemarke
Muntstuk ter ere van Knoet V van Denemarke.
Periode	1146–1157
Voorganger	Erik III
Opvolger	Waldemar die Grote
Huis	Estridsen
Vrou	Helena van Swede
Vader	Magnus die Sterke
Gebore	Omstreeks 1125
Oorlede	9 Augustus 1157

Knoet was die seun van koning Niels se seun Magnus die Sterke, wat Sven III se oom, Knoet Lavard, vermoor het.

Bewind

Ná die abdikasie van koning Erik III in 1146, het die magnate van Jutland Knoet as koning gekies. Die volgende paar jaar het hy tevergeefs probeer om sy teenstander Sven III van Seeland te verslaan. ’n Duitse koninklike intervensie het Sven "eerste koning" gemaak met Knoet as medeheerser. In 1154 is Sven se bewind saam deur Knoet en Waldemar I omvergewerp. Ná ’n paar jaar in ballingskap het hy in 1157 met Duitse hulp daarin geslaag om ’n driedubbele verdeling van die koninkryk af te dwing met homself as heerser in Skone.

Op ’n banket (die sogenaamde "Bloedfees" by Roskilde) in 1157 het Sven glo probeer om sy twee teenstanders uit die weg te ruim. Knoet is dood en Waldemar het na Jutland ontsnap.

Persoonlike lewe

Nie veel van Knoet se persoonlike lewe of karakter is bekend nie. Hy was getroud met Helena van Swede en hulle het vier kinders gehad. Sy halfsuster Sofia van Minsk was getroud met Waldemar I, wat Knoet se dood gewreek het deur Sven op 23 Oktober 1157 by die Slag van die Grathe-vlakte dood te maak.

Verwysings

Hierdie artikel is merendeels vertaal vanaf die Engelse Wikipedia-artikel en:Canute V of Denmark