Koebanstaatsuniversiteit
Die Koebanstaatsuniversiteit (Russies: Кубанский государственный университет (КубГУ) is 'n universiteit van Krasnodar, Rusland. Dit is een van die grootste en oudste universiteite in die suide van die land.
| Koebanstaatsuniversiteit | |
|---|---|
.jpg) | |
| Die Koebanstaatsuniversiteit | |
| Gestig: | 1920 |
| Tipe: | Openbare universiteit |
| Ligging: | Krasnodar, Rusland |
| Webtuiste: | kubsu.ru |
Die universiteit is in 1920 in Krasnodar gestig. Sy eerste rektor was Nikandr Marks, 'n voormalige generaal van die Russiese Leër, historikus en spesialis op die gebied van antieke Russiese paleografie.
In 1994 is die universiteit erken as een van die voorste instellings vir hoër onderwys in Rusland.
In 2004 en 2005 is die universiteit onder die top-100-hoëronderwysinstellings in Rusland gereken en is dit met die Goue Medalje vir Europese Gehalte bekroon.
In 2008 is Michail Astapof, voormalige hoof van die Krasnodar-streeksdepartement van onderwys, as rektor van die universiteit aangestel.
Die universiteit lei sedert 1970 buitelandse spesialiste op. Die buitelandse gegradueerdes kom uit meer as 120 lande. Tans gaan die universiteit voort om studente uit Asië, Amerika, Afrika en Europa op te voed.
