Konrad Grebel
Konrad Grebel (gebore c. 1498, Zürich; sterf in 1526, Maienfeld, Switserland) was die hoof-stigter van die Switserse Broederskap, te wete 'n Anabaptistiese beweging, of 'wederdopers', wat in Zürich gesentreer was.
Sy humanistiese opvoeding by Basel, Wene en Parys het hom geleidelik van die konserwatiewe Switserse Hervormer, Huldrych Zwingli, wat hy aanvanklik ondersteun het, vervreem. Die stadige pas van hervormings en Grebel se toenemende ongeduld om ‘n kerk te stig wat vry was van beheer deur die Zürichse stadsraad het in 1524 tot ‘n permanente breuk met Zwingli gelei. Grebel het daardie jaar saam met ‘n aantal ander kollegas begin om die Broederskap as ‘n onafhanklike, radikale Anabaptistiese (wederdoper) kerk in Zürich te organiseer. Die geskil betreffende die doop van suigelinge teenoor volwassenes het in Januarie 1525 gekulmineer in die stadsraad se verdediging van die doop van suigelinge en die stadsraad se bevel dat Grebel sy pogings staak om die Broederskap te organiseer. In dieselfde maand het hy egter die edik verontagsaam deur die eerste volwasse doop in moderne geskiedenis uit te voer en deur sy pogings om persone in nabygeleë dorpe te bekeer. Ten spyte van sy suksesse as sendeling was hy tot en met sy dood lastig geval. Hy was tydens twee geleenthede in Zürich vir ‘n totaal van ses maande in gevangeskap geplaas. Grebel het soos ander lede van die broederskap in 'n eenvoudige lewe en in die verwerping van geweld geglo, ten spyte van die "oorlogvoering" wat tussen verskillende godsdienstige faksies geheers het. Sy enigste oorblywende geskrifte is die nege-en-sestig briewe wat by Sankt Gallen gehou word.[1]
Bibliografie wysig
- Conrad Grebel — the Founder of the Swiss Brethren, deur Harold S. Bender; ISBN 1-57910-157-7
- Conrad Grebel, Son of Zurich, deur John Landis Ruth; ISBN 1-57910-308-1
- Mennonite Encyclopedia (5 Vols.), Harold S. Bender, Cornelius J. Dyck, Dennis D. Martin, Henry C. Smith, et al., redakteurs; ISBN 0-8361-1018-8
- The Anabaptist Story, deur William R. Estep; ISBN 0-8028-1594-4
- The Anabaptist Vision, deur Harold S. Bender; ISBN 0-8361-1305-5
Verwysings wysig
- ↑ "Grebel, Konrad." Encyclopædia Britannica. Encyclopædia Britannica Ultimate Reference Suite. Chicago: Encyclopædia Britannica, 2012.
Eksterne skakels wysig
- (en) Conrad Grebel by die Global Anabaptist Mennonite Encyclopedia Online
- (en) Conrad Grebel: The Father of Anabaptists