Laaiplek
Laaiplek is 'n dorp in die Bergrivier-munisipaliteit en naasaan Velddrif aan die mond van die Bergrivier geleë.
Hoewel die dorpe tans feitlik aaneen loop, word dit steeds as twee afsonderlike plekke beskou, veral deur inwoners. Daar is 'n gemeente van die Nederduitse Gereformeerde Kerk op albei plekke. Laaiplek se gemeente sluit ook die kusoord Dwarskersbos in, wat sowat 10 km noord van Laaiplek geleë is. Hoewel Velddrif se naam dikwels oorkoepelend gebruik word om Laaiplek, die township Noordhoek en marina-ontwikkeling Port Owen te beskryf, dra die plaaslike polisiestasie die naam Laaiplek, en is dit ook die handelsentrum van die groter Velddrif.
