Lake Arthur-dam
In die bolope van die Groot-Visrivier in die Oos-Kaapprovinsie is daar drie besproeiingsdamme, naamlik die Kommandodrifdam en die Lake Arthur-dam, beide in die Tarkarivier, en die Grassridgedam in die Grootbrakrivier.
| Lake Arthur-dam | |
|---|---|
| Amptelike naam | Lake Arthur Dam |
| Ligging | Cradock, Oos-Kaap |
| Provinsie/Land | Suid-Afrika |
| Koördinate | 32°13′1″S 25°49′45″O / 32.21694°S 25.82917°O |
| Dam in | Tarkarivier |
| Openingsdatum | 1924 |
| Eienaar | Departement van Waterwese |
| Soort dam | Grondvulling |
| Hoogte van wal | 38 m |
| Lengte van wal | 500 m |
| Bakmaat | 10 700 000 m3 |
| Reservoir | Lake Arthur-reservoir |
| Damoppervlak | 886.7 ha |
Lake Arthur is in 1924 voltooi en genoem na die destydse goewerneur van die Unie van Suid-Afrika, prins Arthur van Connaught. Die dam lê 21 km suidoos van Cradock. Dit wal het 'n hoogte van 38 m en die oppervlakte as dit vol is, is 887 ha. Weens erge toeslikking het die dam reeds in die eerste tien jaar van sy bestaan byna die helfte van sy aanvanklike opgaarvermoë verloor. Daarom is die damwal in 1939 verhoog. In 1950 was die dam so toegespoel dat die Kommandodrifdam stroomop gebou is.
