Lance Armstrong

Amerikaanse padwedrenfietsryer
Lance Armstrong

Lance Armstrong (gebore Lance Edward Gunderson; September 18, 1971)[1] is 'n Amerikaanse professionele padwedrenfietsryer. Nadat hy kanker oorwin het, het hy die Tour de France van 1999 tot 2005 'n rekordbrekende sewe keer in 'n ry gewen. Hy is die enigste deelnemer wat sewe keer gewen het, die vorige rekord was vyf keer. Hy is egter uit die sport geskors en van sy toekennings gestroop nadat hy aan die gebruik van opkikkers skuldig bevind is.[2]

Doopnaam: Lance Edward Gunderson
Geboorte: 18 September 1971 (1971-09-18) (52 jaar oud) ; Plano, Texas, Verenigde State
Tydperk aktief: 1991 – hede
Grootste prestasies: Tour de France (1999–2005)

Wêreldfietsrykampioen (1993)
Amerikaanse Nasionale Fietsrykampioen (1993)
Clásica de San Sebastián (1995)
La Flèche Wallonne (1996)
Brons Olimpiese spele (2000)
Tour de Suisse (2001)
Critérium du Dauphiné Libéré (2002, 2003)

Biografie wysig

Op 16-jarige ouderdom het Armstrong in 1989 as 'n driekampatleet begin kompeteer en was in 1989 en 1990 'n nasionale driekampatleetkampioen. In 1992 het Armstrong sy loopbaan as professionele fietsryer met die Motorola-span begin. Hy het tussen 1993 en 1996 opmerklike sukses behaal met die UCI Road World Championships in 1993, die Clásica de San Sebastián in 1995, Tour DuPont in 1995 en 1996, en 'n handjievol oorwinnings in Europa, insluitend dag 8 van die 1993 Tour de France en dag 18 van die 1995 Tour de France.

In 1996 is dit bekend gemaak dat Armstrong met testikelkanker gediagnoseer is en dat hy slegs 20 tot 40% kans op oorlewing sou hê. Sy behandeling het 'n brein- en testikeloperasie ingesluit, asook uitgebreide chemoterapie.

 
Armstrong tydens die 2004-Tour de France

Armstrong het talle toekennings verower: In 1999 is hy deur die American Broadcasting Company benoem as die Wêreldwye Atleet van die Jaar. In 2000 het hy ook die "Prins van Austurië"-toekenning gewen vir sy sportprestasies.[3] In 2002 is hy deur die tydskrif Sports Illustrated benoem tot die Sportman van die Jaar. Hy het in 2002, 2003, 2004 en 2005 die Associated Press se "Manlike Atleet van die Jaar"-toekenning gewen en in 2003, 2004, 2005 en 2006 ESPN se ESPY-toekenning vir Beste Manlike Atleet. Hy is ook in 2003 aangewys as die BBC se Oorsese Sportspersoonlikheid van die Jaar.

 
Armstrong tydens die Tour de Gruene, 2008

Armstrong het aan die einde van die 2005 Tour de France op 24 Julie 2005 afgetree, maar het op 9 September 2009 bevestig dat hy tydens die 2009-seisoen na die wêreld van kompeterende fietsry sal terugkeer.[4]

Opkikker-skandaal wysig

In 2012 publiseer die Amerikaanse agentskap teen verbode middels (Usada) 'n verslag wat Armstrong van opkikker-misbruik beskuldig. Dit word as een van die mees gesofistikeerde, professionele en suksesvolle opkikkerprogramme nog in fietsry beskryf. Armstrong ontken aanvanklik die bewering, maar word later deur die UCI (Internasionale Fietsryvereniging) van sy medaljes gestroop, nadat hy nie teen die besluit appelleer nie. Die Internasionale Olimpiese komitee het ook besluit om die brons medalje wat hy tydens die Sydney Spele in 2000 gewen het van hom te ontneem. Hy het later in 'n onderhoud met Oprah Winfrey erken dat hy wel opkikkers gebruik het en daarvoor om verskoning gevra.[5][6]

Filmografie wysig

  • Road to Paris (2001)
  • DodgeBall: A True Underdog Story (2004)
  • You, Me and Dupree (2006)
  • The Armstrong Lie (2013)
  • Stop at Nothing-The Lance Armstrong Story (2014)
  • The Program (2015)
  • Tour de Pharmacy (2017)

Bibliografie wysig

  • Armstrong, Lance; Jenkins, Sally (2001). It's Not About the Bike: My Journey Back to Life. Yellow Jersey Press. ISBN 0-224-06087-2. {{cite book}}: Ongeldige |ref=harv (hulp)
  • Armstrong, Lance; Jenkins, Sally (2003). Every Second Counts. Broadway Books. ISBN 0-385-50871-9. {{cite book}}: Ongeldige |ref=harv (hulp)

Verwysings wysig

  1. Library, C. N. N. "Lance Armstrong Fast Facts". CNN (in Engels). Geargiveer vanaf die oorspronklike op 7 Junie 2019.
  2. HAT Taal-en-feitegids, Pearson, Desember 2013, ISBN 978-1-77578-243-8
  3. "Lance Armstrong" (in Spaans). Geargiveer vanaf die oorspronklike op 29 Augustus 2008. Besoek op 15 September 2008.
  4. "Lance Armstrong Rides Again" (in Engels). Vanity Fair. Geargiveer vanaf die oorspronklike op 12 Januarie 2015.
  5. Armstrong het drie weke om te appelleer, Nuus24, 11 Desember 2012
  6. 'Alles was een groot leuen' – Lance Armstrong, Nuus24, 18 Januarie 2013

Eksterne skakels wysig