Laura Kelly

Laura Kelly (gebore 24 Januarie 1950) is 'n Amerikaanse politikus wat sedert 2019 as die 48ste goewerneur van Kansas dien. Sy is 'n lid van die Demokratiese Party en het die 18de distrik van die Kansas Senaat vanaf 2005 tot 2019 verteenwoordig. Sy het in 2017 aangekondig dat sy 'n kandidaat vir goewerneur is. Kelly het die Republikeinse kandidaat, Kris Kobach, in die 2018-verkiesing verslaan.[1][2]

Laura Kelly
Laura Kelly
Kelly in 2018

48ste goewerneur van Kansas
Ampsbekleër
Termynaanvang
14 Januarie 2019
Vise Lynn Rodgers
Voorafgegaan deur Jeff Colyer

Lid van die Kansas Senaat van die 18de distrik
Ampstermyn
10 Januarie 2005 – 14 Januarie 2019
Voorafgegaan deur Dave Jackson
Opgevolg deur Vic Muller

Persoonlike besonderhede
Gebore 24 Januarie 1950 (1950-01-24) (71 jaar oud)
New York, New York Deelstaat, VSA
Nasionaliteit Amerikaner
Politieke party Demokratiese Party
Eggenoot/-note Ted Daughety
Kind(ers) 2
Alma mater Bradley Universiteit
Universiteit van Indiana Bloomington
Religie Katoliek

Vroeë lewe en opvoedingWysig

Kelly is in New York gebore in 'n militêre gesin wat gereeld verhuis het en dikwels oorsee gestasioneer was. Sy het aan Bradley Universiteit studeer en 'n Baccalaureus Scientiae (BSc) in sielkunde behaal. Sy het daarna aan die Universiteit van Indiana Bloomington studeer en 'n meestersgraad in die wetenskap van terapeutiese ontspanning verwerf. Kelly was die uitvoerende direkteur van die Kansas Ontspannings- en Parkevereniging.

Vroeë politieke loopbaanWysig

Kelly is in November 2004 tot die senaat van Kansas verkies. Sy is eers later as die minderheidsweep aangewys.[3]In 2007 is sy gevra om as die Rangordende minderheidslid van die Kansas Ways and Means-komitee te dien.[4]

Van die belangrikste bydraers tot Kelly se 2008-veldtog was die Senaat-demokrate van Kansas, die Demokratiese Senatore-Veldtogkomitee van Kansas, die Amerikaanse Onderwysersfederasie (AFT), Astrazeneca, die Kansas Nasionale Onderwysvereniging (KNEA), die Kansas Trial Lawyers Association, en haarself.

Aan die einde van 2009 het Kelly dit oorweeg om as lid vir Kansas se 2de kongresdistrik te staan.[5] Gedurende die wetgewende sessie van 2011–2012 het sy as die assistent-minderheidsleier van die Senaat gedien.[6]

Goewerneur (2019–hede)Wysig

VeldtogWysig

 
Kelly by 'n byeenkoms in Junie 2018
 
Kelly in 'n vergadering saam met Amerikaanse president Donald Trump in Mei 2020

Op 15 Desember 2017 het Kelly aangekondig dat sy as kandidaat vir goewerneur staan. In die Demokratiese voorverkiesing het sy teen die voormalige burgemeester van Wichita Carl Brewer en Josh Svaty, voormalige sekretaris van landbou in Kansas, te staan ​​gekom.[7][8]

Op 24 Mei 2018 het Kelly vir Lynn Rogers as haar keuse vir luitenant-goewerneur aangekondig.[9] Op 7 Augustus het sy vir Brewer en Svaty verslaan nadat sy 51,5% van die stemme in die voorverkiesing ontvang het.[10] Kelly het die Republikeinse kandidaat Kris Kobach in die algemene verkiesing met net 47,8% van die stemme verslaan.[11]

AmpstermynWysig

Kelly is op 14 Januarie 2019 as die 48ste goewerneur ingehuldig. Sy het vir Jeff Colyer opgevolg en is die eerste Demokraat om die amp sedert 2011 te beklee.

Persoonlike leweWysig

Kelly is sedert 1979 met Ted Daughety getroud. Hulle het in 1986 na Topeka verhuis. Die egpaar het twee volwasse dogters, Kathleen en Molly Daughety. Kelly is 'n Katoliek.[12]

VerwysingsWysig

  1. "US News - Laura Kelly Upset Victory". Besoek op 14 Januarie 2018.
  2. "Meet Laura Kelly | Laura Kelly for Governor". www.laurakellyforkansas.com. Besoek op 8 November 2018.
  3. "Senator Laura Kelly | Legislators | Kansas State Legislature". kslegislature.org. Besoek op 17 Januarie 2019.
  4. "Governor Laura Kelly | governor.kansas.gov". Besoek op 17 January 2019.
  5. ""Kelly ending U.S House bid", Topeka Capital-Journal" (in Engels). Geargiveer vanaf die oorspronklike op 17 Maart 2012. Besoek op 14 Januarie 2018.
  6. "Senator Laura Kelly - Legislators - Kansas State Legislature". kslegislature.org (in Engels). Geargiveer vanaf die oorspronklike op 24 Junie 2020. Besoek op 14 Januarie 2018.
  7. "Brewer promises community activist campaign for governor". Kansas.com. Besoek op 6 Desember 2018.
  8. Carpenter, Tim. "Democrat Joshua Svaty declares candidacy for Kansas governor". The Topeka Capital-Journal (in Engels). Geargiveer vanaf die oorspronklike op 21 Junie 2020. Besoek op 6 Desember 2018.
  9. "Kelly picks fellow state senator from Wichita as running mate". Kansas.com. Besoek op 6 Desember 2018.
  10. Almukhtar, Sarah; Bloch, Matthew; Lee, Jasmine C. (7 Augustus 2018). "Kansas Primary Election Results". The New York Times. ISSN 0362-4331. Besoek op 6 Desember 2018.[dooie skakel]
  11. "Unofficial Kansas Election Results". Ent.Sos.ks.gov (in Engels). Geargiveer vanaf die oorspronklike op 9 Oktober 2019. Besoek op 6 Desember 2018.
  12. https://justfacts.votesmart.org/candidate/biography/34496/laura-kelly

Eksterne skakelsWysig