Le Triomphant-klas duikbote
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| Subklas van | ballistiese missiel duikboot |
|---|---|
| Kort naam | Le Triomphant |
| Vernoem na | Triomphant |
| Voorafgegaan deur | Redoutable-class submarine |
| Land van oorsprong | Frankryk |
| Operateur | Franse Vloot |
| Vervaardiger | Naval Group |
Die Le Triomphant-klas duikbote is kernaangedrewe duikbote van die Franse Vloot wat ballistiese missiele dra.
Die klas bestaan uit vier duikbote waarvan die eerste duikboot, Le Triomphant, in 1997 afgelewer is. Die ander in die klas, Le Temeraire, Le Vigilant en Le Terrible is onderskeidelik in 1999, 2004 en 2010 afgelewer. Die duikbote is deur Direction des Constructions et Armes Navales (DCN) in Cherbourg skeepswerf gebou.
Hierdie duikbote dra 16 vertikaalgelanseerde M54 ballistiese missiele, elk toegerus met ses kernplofkoppe. Elke plofkop is ekwivalent aan 147 638 ton TNT. In 2010 is die TN 75 plofkop in gebruik geneem en was selfs nog kragtiger. Hulle reikafstand is ook verbeter tot 8 047 km.
Dit is interessant dat Frankryk meer fondse in die ontwikkeling van ballistiese missiele belê het terwyl die ander lande die teenoorgestelde pad geloop het; die Koue Oorlog was immers verby. Die Le Triomphant-klas het saamgeval met die verskyning van die Britse Vanguard-klas duikbote.
Die tweede duikboot in die klas Le Temeraire is in Januarie 2000 in diens gestel, Le Vigilant in 2005 en Le Terrible in 2010. Dié klas is toegerus met vier 533 mm torpedobuise wat torpedos en Excocet-missiele kan afvuur.
Duikbote in die klas
wysig| Naam | Konstruksie begin | Te water gelaat | In diens gestel |
|---|---|---|---|
| Le Triomphant | 9 Junie 1986 | 26 Maart 1994 | 21 Maart 1997 |
| Le Téméraire | 18 Desember 1993 | 21 Januarie 1998 | 23 Desember 1999 |
| Le Vigilant | Januarie 1996 | 19 September 2003 | 26 November 2004 |
| Le Terrible | 24 Oktober 2000 | 21 Maart 2008 | 20 September 2010[1] |
Tegniese besonderhede
wysig| Item | Statistiek |
|---|---|
| Verplasing (oppervlak) | 12 440 metrieke ton |
| Verplasing (onderwater) | 14 108 metrieke ton |
| Lengte | 184,0 m |
| Breedte | 12,5 m |
| Aandrywing | 1 x GWC PAR K15 kernkrag reaktor 1 x stoomturbine van 30 947 kW |
| Spoed (oppervlak) | 22,0 knope |
| Spoed (onderwater) | 25,0 knope |
| Bemanning | 65 persone |
| Wapens | 4 x 533 mm torpedo buise 18 x ECAN L5 Mod 3 torpedo's en Excocet-missiele 16 M45 SLBM missiele met TNT75 plofkoppe |
Bron
wysig- The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2
Verwysings
wysig- ↑ "Le Terrible entre en service actif" (in Frans). Ministerie van Verdediging (Frankryk). 1 Oktober 2010. Geargiveer vanaf die oorspronklike op 1 Augustus 2012. Besoek op 1 Oktober 2010.