Leeustert
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die leeustert (Agave attenuata) is 'n agave-spesie, wat vernoem is na aanleiding van die lang, imponerende bloeiwyse wat dikwels tot teen die grond afkrom. Dit het ook 'n krom stam wat ongewoon is onder agave-spesies. Dit is inheems aan die plato van Jalisco-staat in sentraal-Meksiko. Aangesien dit geen stekels het nie, het dit 'n gewilde sierplant in tuine geword, en is na bewering genaturaliseer in Madeira en Libië.[1]
| Leeustert | |
|---|---|
| |
| Agave attenuata | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Subfamilie: | |
| Genus: | |
| Spesie: | A. attenuata
|
| Binomiale naam | |
| Agave attenuata Salm-Dyck, (1834)
| |
Die stamme wissel tipies van 50 to 150 cm in lengte, en ou blare val eindelik af sodat die stam sigbaar word. Die blare is ovaat-akuminaat in vorm, 50–70 cm lank en 12–16 cm breed. Hulle vorm 'n roset en is bleek gekleurd, van liggrys tot 'n lig-gelerige groen. Die blare is nie getand nie, en het ook geen terminale stekel nie, alhoewel die gepunte blare mettertyd by die punt uitrafel. Die bloeiwyse is 'n digte raseem, 2.5 tot 3 meter hoog, met groenerige geel blomme.[2]
Die ontdekkingsreisiger Galeotti het in 1834 eksemplare van hierdie plant na Kew-tuine in Engeland gestuur, wat hy by 'n ongespesifiseerde ligging in Meksiko versamel het. Meer onlangse ondersoeke het vasgestel dat hulle van Jalisco-staat ooswaarts tot in Meksiko-staat voorkom, en wel in klein kolonies op hoogtes van tussen 1 900 m en 2 500 m. Aangesien daar min waarnemings is, word aanvaar dat dit van nature skaars is.[2]
In verbouing verkies dit blykbaar relatief vogtige leemgrond, alhoewel dit ook arm grond en droë toestande kan verduur. Dit gedy beter as dit teen direkte somersonlig of langdurige ryptoestande beskerm word.[3]
Galery
wysig-
Plante met bloeiwyses -
Blomme van naby -
Oop vrugkapsules -
Vrugkapsules en sade
Verwysings
wysig- ↑ http://www.cactus-art.biz/schede/AGAVE/Agave_attenuata/Agave_attenuata/Agave_attenuata.htm
- ↑ 2,0 2,1 Howard Scott Gentry, Agaves of Continental North America (University of Arizona Press, 1982) pp. 66-71
- ↑ Agave attenuata Geargiveer 19 September 2018 op Wayback Machine, The Lovely Plants
Eksterne skakels
wysig
Wikimedia Commons het meer media in die kategorie Agave attenuata.
Wikispecies het meer inligting verwant aan Agave attenuata
