Leo Weinthal
Leo Weinthal was 'n Suid-Afrikaanse joernalis. Hy is in 1865 in Graaff-Reinet gebore. Hy was verbonde aan nuusblaaie in die vroeë Johannesburg en Pretoria. Hy was die redakteur van die Krugergesinde Engelse tydskrif, Press en korrespondent vir The Times, Daily Telegraph en Reuters. Hy was 'n intieme vriend van president Paul Kruger. Na die Tweede Vryheidsoorlog vestig hy hom in Engeland en stig in 1902 die African World. Hy het The Story of the Cape to Cairo Rail and River Route in 1923 in vyf boekdele gepubliseer. Hy is in 1930 oorlede.