Vyeboom-tolbos
Die Vyeboom-tolbos (Leucadendron elimense subsp. vyeboomense) is 'n blomdraende struik en subspesie van Leucadendron elimense, wat tot die genus Leucadendron behoort en deel van die fynbos-bioom vorm. Die spesie is endemies aan die Wes-Kaap waar dit voorkom van Viljoenspas tot by Theewaterskloofdam.
| Vyeboom-tolbos | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Leucadendron |
| Spesie: | L. e. vyeboomense
|
| Binomiale naam | |
| Leucadendron elimense vyeboomense I.Williams, 1972
| |
Die struik word tot 1.5 m hoog en vrek nadat dit gebrand het maar die sade oorleef. Die struik blom van September tot Oktober. Die sade word in 'n tol op die vroulike plant geberg en val grond toe. Die plant is eenslagtig en daar is afsonderlike plante met manlike en vroulike blomme, wat deur klein insekte bestuif word. Die plant groei hoofsaaklik op gelyk sanderige tot leemgrond op hoogtes van 330 - 400 m.
In Engels staan dit as die Vyeboom conebush bekend.