Liberalisme (internasionale betrekkinge)
Liberalisme is 'n denkrigting binne internasionale verhoudingsteorie wat om drie onderling verwante beginsels wentel:
- Verwerping van magspolitiek as die enigste moontlike uitkoms van internasionale betrekkinge; dit bevraagteken sekuriteit/oorlogvoering beginsels van realisme
- Wedersydse voordele en internasionale samewerking
- Die rol van internasionale organisasies en niestaatakteurs in die vorming van staatsvoorkeure en beleidskeuses.[1]
Hierdie denkrigting beklemtoon drie faktore wat meer samewerking en minder konflik tussen state aanmoedig:
- Internasionale instellings, soos die Verenigde Nasies, wat 'n forum bied om geskille op nie-gewelddadige maniere op te los
- Internasionale handel omdat, wanneer lande se ekonomieë deur handel met mekaar verbind word, hulle minder geneig is om oorlog te voer met mekaar
- Verspreiding van demokrasie, aangesien goed gevestigde demokrasieë nie oorlog voer met mekaar nie, so as daar meer demokrasieë is, sal interstaatlike oorlog minder gereeld voorkom.
Liberale glo dat internasionale instellings 'n sleutelrol speel in samewerking tussen state deur interafhanklikheid.[2] Daar is drie hoofkomponente van interafhanklikheid. State interaksie op verskeie maniere, deur ekonomiese, finansiële en kulturele middele; sekuriteit is geneig om nie die primêre doel in staat-tot-staat-interaksies te wees nie; en militêre magte word nie tipies gebruik nie.[2] Liberale argumenteer ook dat internasionale diplomasie 'n baie effektiewe manier kan wees om state te kry om eerlik met mekaar om te gaan en nie-gewelddadige oplossings vir probleme te ondersteun.[3]
Met die regte instellings en diplomasie glo liberale dat state kan saamwerk om welvaart te maksimeer en konflik te minimaliseer.[4]
Liberalisme is een van die hoofskole van internasionale verhoudingsteorie. Liberalisme kom van die Latynse liber wat "vry" beteken, wat oorspronklik verwys na die filosofie van vryheid.[5] Die wortels daarvan lê in die breër liberale denke wat in die Verligting ontstaan het. Die sentrale kwessies wat dit wil aanspreek, is die probleme om blywende vrede en samewerking in internasionale betrekkinge te bewerkstellig, en die verskillende metodes wat tot die bereiking daarvan kan bydra. Ondersteuners van liberalisme glo dikwels in die verspreiding van demokrasie deur samewerking.
Verwysings
wysig- ↑ Shiraev, Eric B. (2014). International Relations. New York: Oxford University Presses. p. 78.
- ↑ 2,0 2,1 (Shiraev and Zubok 2014, 86)
- ↑ Shiraev, Eric B., and Vladislav M. Zubok. 2014. International Relations. New York, NY:Oxford University Press.
- ↑ Shiraev, Eric B., and Vladislav M. Zubok. 2014. International Relations. New York, NY:Oxford University Press.
- ↑ Von Mises, Ludwig, and Bettina Bien Greaves. Liberalism. [Electronic Resource]: The Classical Tradition. n.p.: Indianapolis : Liberty Fund, c2005. (Baltimore, Md. : Project MUSE, 2014), 2005. Louisiana State University. Web. 22 Februarie 2016.