Lidwoord

Die lidwoord is 'n woordsoort en dit word saam met 'n selfstandige naamwoord gebruik. 'n Lidwoord staan voor 'n selfstandige naamwoord om daaraan bepaaldheid of onbepaaldheid te verleen. Die bekendste twee lidwoorde in Afrikaans is die bepaalde lidwoord die en die onbepaalde lidwoord 'n.

Soorte lidwoorde

• Die bepaalde lidwoord, bv.
  • Die kind speel in die tuin.
  • Die potlood is myne.

die word 'n bepaalde lidwoord genoem omdat dit na 'n bepaalde kind in 'n bepaalde tuin verwys.

• Die onbepaalde lidwoord, bv.
  • 'n Man werk in 'n land.
  • 'n Klip het my kop getref.

'n word 'n onbepaalde lidwoord genoem, want daar word nie verwys na 'n spesifieke man, klip of land nie.

As die eerste woord van 'n sin met die onbepaalde lidwoord 'n begin, word 'n met 'n kleinletter geskryf en kry die daaropvolgende woord 'n hoofletter, tensy die daaropvolgende element 'n syfer, getal, kleinletter of simbool is.

Byvoorbeeld 'n Motor is gekaap, maar 'n 4x4 is noodsaaklik vir die tog.

Kyk ook

• Werkwoord
• Selfstandige naamwoord
• Byvoeglike naamwoord
• Bywoord
• Voegwoord
• Dieregeluide, werkwoorde wat die klanke van diere beskryf.
• Trappe van vergelyking
• Intensiewe

Bronne

• Afrikaanse woordelys en spelreëls, 2017. Kaapstad: Pharos

Eksterne skakels

• Wikiwoordeboek het 'n inskrywing vir lidwoord.