Linea alba
Die linea alba (Latyn vir wit lyn) van die abdomen is ’n veselagtige struktuur wat in mense en ander gewerweldes in die middel van die abdomen af loop. In mense loop dit van die ensiforme kraakbeen tot by die simfise. Die linea alba is inderdaad wit omdat dit uit kollageenbindweefsel bestaan.
| Linea alba | ||
| Inligting en eksterne bronne | ||
| ||
| Die buitenste skuins buikspiere en die linea alba, die vertikale wit lyn wat in die middel af loop. | ||
| Inligting | ||
| Latyn | Linea alba | |
| Ligging | Abdomen | |
| Eksterne bronne | ||
| FMA | 11336 | |
Dit word gevorm deur die samesmelting van die veselagtige bindweefsel, die aponeurose, van die spiere van die voorste maagwand, en dit skei die linker- en regter- reguit buikspier. By mense wat spiere bou, kan dit gesien word as die induikings wat ’n sespak vorm.
Omdat dit hoofsaaklik uit bindweefsel bestaan en nie belangrike senuwees of bloedvate bevat nie, is ’n insnyding deur die linea alba algemeen in chirurgie.
Eksterne skakels
wysig
Wikimedia Commons het meer media in die kategorie Linea alba.
Hierdie artikel is vertaal uit die Engelse Wikipedia
