Lombard-vierling
Die Lombard-vierling is in 1951 in Calvinia gebore.
Mev. Johanna Lombard (“Hannie Vierling”) van Loeriesfontein was reeds die moeder van twee dogters toe sy die lewe skenk aan vier identiese seuns. Hulle was in geboortevolgorde met hul gewigte by geboorte Nicolaas Daniël (1.8kg), Johannes Jacobus de Waal (2.6kg), Johannes Petrus Paulus (2.5kg), en De Villiers (1.6kg). Alhoewel 'n meervoudige geboorte verwag is, was 'n vierling 'n verrassing. Die voorkoms van vierlinge is slegs 1 op 'n 600 000 geboortes. Alhoewel die hospitaal op Calvinia toe nie oor 'n broeikas beskik het nie, het die kinders oorleef. Hoe groter die aantal babas in een swangerskap, hoe kleiner die kans op oorlewing. Die bevalling is waargeneem deur dr. J.N. de Villiers en sy vrou dr. Geraldine de Villiers, Dr. De Villiers het later professor in die ginekologie en nog later rektor van die Universiteit van Stellenbosch geword.